Trausti Hjálmarsson, formaður Bændasamtakanna, segir umræðuna um matarverð á Íslandi verða villandi ef ekki er skýrt hvað sé verið að bera saman. Í Bítinu á Bylgjunni sagði hann að hægt væri að færa rök fyrir ýmsu í þessari umræðu, en að hans mati yrði að horfa á stærri myndina: há laun, mikinn kaupmátt og hátt vöruverð almennt á Íslandi.

Það var sannkölluð hátíðarstemning í Fjölskyldu- og húsdýragarðinum í Reykjavík þegar Bylgjulestin kom í heimsókn síðasta laugardag. Fjöldi gesta lagði leið sína í garðinn og lék veðrið við gesti allan daginn sem skapaði einstaka umgjörð fyrir viðburðinn.

Doktor í hagfræði telur að upptaka evru gæti leitt atvinnuleysi yfir Íslendinga og kostnaðurinn sé því mun meiri en ábati kynni að vera. Hann segir atvinnuleysi afar dýrt fyrir þjóðina og hafi þung áhrif á ungt fólk.

Sprengisandur er á sínum stað á Bylgjunni í dag en þar fær Kristján Kristjánsson þáttastjórnandi til sín góða gesti og ræðir við þá samfélagsmálin sem brenna á þjóðinni. Í dag ræðir hann sagnfræðirannsóknir, upptöku evru, menntakerfið og málefni barna.

Um tveir mánuðir eru í að almyrkvi sjáist á hluta landsins. Vísindamiðlari segir þetta sögulegan viðburð sem beri að halda upp á og enginn eigi eftir að upplifa aftur. Að mörgu þurfi að huga og ekki sé sama hvenær fólk fari á salernið á þessum einstaka degi.

Bylgjan mælir með Comfyballs – nærbuxurnar sem breyta leiknum.

Veðurblíðan sem nú ríkir víða um landið mun án efa leiða marga að grillinu um helgina. Slökkviliðsstjóri Brunavarna Árnessýslu segir þó mikilvægt að fólk hugi vel að öryggi áður en kveikt er upp, enda geti kæruleysi við grillnotkun haft alvarlegar afleiðingar.

Bylgjulestin er á ferðinni og verður í beinni útsendingu frá Fjölskyldu og húsdýragarðinum á morgun laugardag milli klukkan 12 og 16.

Þorvaldur Flemming Jensen, fréttaritari Bylgjunnar í Danmörku, segir það afar súrt fyrir Dani að sitja heima á meðan Svíar og Norðmenn eru á HM í fótbolta karla. Hann sagði í Bítinu að danska landsliðið hefði klúðrað sínum möguleikum á að komast á mótið og að það eitt sem gæti gert Dani enn súrari væri ef Íslendingar væru líka með í lokakeppninni.

Már Wolfgang Mixa, dósent við viðskiptafræðideild Háskóla Íslands, telur að vilji íslensk stjórnvöld ná verðbólgunni niður þurfi að taka leiðinlegar ákvarðanir og til að mynda hækka skatta. Stýrivextir nægi ekki einir og sér til að ná niður verðbólgu.

Guðmundur Andri telur ekki rétt að kalla ágreining sem undanfarið hefur myndast innan raða Samfylkingarfólks klofning. Hann segist þó halda að nýleg stefnubreyting, kröpp hægri beygja, hafi ekki verið nægilega mikið rædd á vettvangi flokksins. Guðmundur er einn þeirra sem skrifuðu undir skoðanapistil þar sem hópur félagsmanna Samfylkingarinnar og óflokksbundins jafnaðarfólks mótmælir brottfararstöð ríkisstjórnarinnar.

Tilkynningum um netbrot hefur fjölgað gríðarlega á undanförnum árum og tjón vegna svika nemur nú þegar hundruðum milljóna króna á þessu ári. Lögregla segir glæpamenn nýta sér íslensk símanúmer til að auka trúverðugleika sinn og hvetur almenning til að sýna aukna varúð gagnvart símtölum, skilaboðum og tölvupóstum.

Sigurdís Haraldsdóttir krabbameinslæknir og prófessor við læknadeild Háskóla Íslands segir nýjar niðurstöður um lyfið daraxonrasib marka stærstu tíðindi í meðferð briskrabbameins í um 15 ár. Niðurstöðurnar voru kynntar á stærstu krabbameinsráðstefnu heims, ASCO-ráðstefnunni í Chicago, þar sem þúsundir sérfræðinga risu úr sætum sínum og fögnuðu með lófataki.

Brynja M. Ólafsdóttir, sérfræðingur í regluvörslu Landsbankans, segir mikilvægt að fólk andi þrisvar og lesi vel skilaboð sem komi þegar fólk notar rafræn skilríki. Fjársvik hafa margfaldast síðustu ár og hún segir stöðuna sérstaklega slæma síðustu vikur. Brynja var til viðtals í Bítinu á Bylgjunni í morgun.

Sveinn Kristinn Ögmundsson og Halla Árnadóttir, foreldrar kylfingsins Gunnlaugs Árna, lýstu því í Bítinu á Bylgjunni sem ólýsanlegri tilfinningu að sjá son sinn tryggja sér sæti á risamótinu US Open. Gunnlaugur Árni er aðeins tvítugur og fyrstur íslenskra karla til að komast inn á mótið.

Veðurfræðingar fylgjast nú grannt með þróun svokallaðs Súper El Niño í Kyrrahafinu, sem getur haft víðtæk áhrif á veðurfar víða um heim. Einar Sveinbjörnsson veðurfræðingur segir þó litlar líkur á að fyrirbærið hafi afgerandi áhrif á veður á Íslandi, þótt það geti stuðlað að auknum veðuröfgum á heimsvísu.

Ingi Björn Sigurðsson missti eiginkonu sína úr krabbameini fyrir tæpu einu og hálfu ári síðan en hann er enn að fá kröfur frá ríkisstofnun vegna andlátsins. Hann kallar eftir betri samræmingu kerfa.

Vilhjálmur Birgisson, formaður Starfsgreinasambandsins og Verkalýðsfélags Akraness, segir ákvörðun Elkem á Grundartanga um að stöðva framleiðslu í einum af þremur ofnum yfir sumarið mjög alvarlegt áhyggjuefni. Hann sagði í Bítinu á Bylgjunni að þetta hefði legið í loftinu um tíma, en að ákvörðunin væri engu að síður þungt högg fyrir starfsfólk, atvinnulíf og ekki síst ungt fólk sem hefði reitt sig á sumarvinnu hjá fyrirtækinu.

Grímur Grímsson, þingmaður Viðreisnar, segir frumvarp um brottfararstöð fyrst og fremst snúast um að búa til mannúðlegra úrræði en þau sem nú eru fyrir hendi þegar flytja þarf fólk úr landi eftir að mál þess hafa verið til lykta leidd. Að hans sögn er verið að tala um lokaúrræði sem aðeins eigi að beita þegar önnur og vægari úrræði hafa ekki dugað.

Sífellt fleiri Íslendingar leggja bílnum og velja þess í stað rafhjól til að komast um náttúruna. Samhliða þessari þróun hefur umfangsmikil uppbygging hjólastíga átt sér stað víða um land, meðal annars í Reykjadal við Hveragerði og í Mosfellsbæ.

Þriðja umræða fer fram á Alþingi í dag um frumvarp dómsmálaráðherra um brottfararstöð. Grímur Grímsson, þingmaður Viðreisnar og meðlimur í allsherjar- og menntamálanefnd, segir brottfararstöðina eiga að tryggja mannúð í ömurlegum aðstæðum. Gert sé ráð fyrir því að fjölskyldur verði vistaðar á sérsvæði í úrræðinu en hann segist þó vona að vægari úrræði verði notuð áður. Gert sé ráð fyrir því í lögunum. 

Mikill óhugur greip um sig meðal knattspyrnuáhugamanna um helgina þegar danski landsliðsmaðurinn Christian Eriksen hneig skyndilega til jarðar í leik. Þetta er í annað sinn á fáum árum sem Eriksen lendir í alvarlegu hjartatengdu atviki á knattspyrnuvelli og segir yfirlæknir á hjartadeild Landspítalans að ekki sé ósennilegt að honum verði nú ráðlagt að leggja skóna á hilluna.

Guðmundur Felix Grétarsson, sem missti báða handleggi árið 1998 í vinnuslysi og fékk ágrædda handleggi árið 2021, reynir nú að koma sér aftur á vinnumarkað og segir það ekki hafa verið mögulegt án aðgerðarinnar.  Guðmundur ræddi stöðuna á handleggjunum og lífinu frá Strassborg, þar sem hann er búsettur, í viðtali í Bítinu á Bylgjunni í morgun.

Sjómannadagshátíðin í Grindavík var fyrsta stopp Bylgjulestarinnar þar sem veðrið lék við gesti.

Þungt hljóð er hjá íbúum á sunnanverðum Vestfjörðum eftir að Breiðafjarðarferjan Baldur var tekin úr siglingum fyrir vestan og send tímabundið til Vestmannaeyja. Barði Sæmundsson, íbúi á Patreksfirði, sagði, í samtali við Bítið í morgun, ákvörðunina hafa komið mjög illa við bæði íbúa og atvinnulíf á svæðinu.

Guðmundur Felix Grétarsson, sem margir þekkja sem „handlangarann“, segir lífið hafa breyst gríðarlega eftir handaígræðsluna í Frakklandi. Hann ræddi stöðuna á handleggjunum og lífinu í Bítinu á Bylgjunni og sagði meðal annars frá því að hann hefði nýlega eignast nýtt afabarn, en jafnframt að hann væri farinn að sjá nýjar framfarir í höndunum þrátt fyrir að fimm ár séu liðin frá aðgerðinni.

Sú staðreynd að Icelandair sé líklega mikilvægasta fyrirtæki landsins mun ekki bjarga félaginu að sögn fyrrverandi forstjóra Kviku. Sjálfbær rekstur sé það sem máli skiptir. Fyrrverandi flugrekstrarstjóri félagsins segir reksturinn erfiðan en ekki kominn á vonarvöl.

Umtöluð gjaldeyrisskýrsla, staða Icelandair, fyrirhuguð brottfararstöð og íslenska undrið Bubbi Morthens verða til umræðu á Sprengisandi á Bylgjunni. Þátturinn hefst klukkan tíu og stendur fram að hádegisfréttum klukkan tólf.

Bylgjulestin rúllar af stað um helgina og setur tóninn fyrir sumarið. Fyrsta stopp er Grindavík á morgun, laugardag þar sem Bylgjulestin verður í beinni milli klukkan 12 og 16 á Sjómannadagshátíð.

Í tilefni af 40 ára afmæli Bylgjunnar endurvekjum við gamla góða límmiðaleikinn í samstarfi við  Appelsín án sykurs og N1 en svo skemmtilega vill til að N1 er líka 40 ára í ár.

Hildur Björnsdóttir, nýr borgarstjóri, vill vera borgarstjóri allra Reykvíkinga og að allir fái að blómstra í borginni. Hún setur samgöngu- og leikskólamál á oddinn og segir nauðsynlegt að minnka kvaðir á húsnæðisuppbyggingaraðila. Nýr meirihluti stefni á meira frelsi þeirra. Rætt var við Hildi um verkefnalistann og markmið hennar í Bítinu á Bylgjunni í morgun.

Oddur Sigurðsson Hagalín, forstöðumaður stoðdeildar Vegagerðarinnar, segir að þó svo að það sé svipaður kostnaður við að steypa og malbika götur taki steypan lengri tíma að þorna og vegfarendur hafi litla þolinmæði. Hann telur mikilvægara að gera upp allt vegakerfið en að fara núna að steypa vegi.

Ný tæknilausn mun gera fólki kleift að kaupa vörur fyrir fimmtíu þúsund krónur í verslun þrátt fyrir að nettenging eða greiðslukortakerfi liggi niðri. Varaleiðin mun ekki virka með snertilausum greiðslum í fyrstu og því þarf fólk sem hefur lengi skilið kortið eftir heima fljótlega að taka það með sér til að búa sig undir kerfistruflanir framtíðarinnar.

Sigmundur Davíð Gunnlaugsson, formaður Miðflokksins, gagnrýnir ríkisstjórnina fyrir skort á aga og að hafa gefið markaðinum misvísandi skilaboð sem leiðir til hærri verðbólgu.

Umferðaröryggissérfræðingur vill róttæka endurskoðun á vegagerð: Steypti vegurinn í Kollafirði gæti enst í hálfa öld til viðbótar

Hópur sem vinnur að kvikmynd um ævi þjóðskáldsins Jónasar Hallgrímssonar hefur óskað eftir leyfi til að taka sýni úr þeim beinaleifum sem hvíla í þjóðargrafreitnum á Þingvöllum og eru taldar vera af Jónasi. Markmiðið er að skera úr um hvort þar hvíli í raun þjóðskáldið eða annar einstaklingur.

Fjölmiðlakonan Elín Hirst segir hópinn sem stendur að gerð nýrrar heimildarmyndar um Jónas Hallgrímsson vilja eyða óvissunni sem fylgt hefur beinum skáldsins í áratugi. Í Bítinu á Bylgjunni sagði hún að unnið væri að þriggja þátta heimildarmynd um ævi og störf Jónasar, en samhliða þeirri vinnu hafi vaknað vilji til að staðfesta með vísindalegum hætti að beinin á Þingvöllum séu sannarlega hans.

Pétur Marteinsson, oddviti Samfylkingarinnar í Reykjavík, segir nýjan meirihluta í borginni taka við stórum og viðamiklum verkefnum, en hann telur jafnframt að sum fyrstu málin sem lögð verða fram beri skýr pólitísk skilaboð. Það eigi ekki síst við um fyrirhugaðar breytingar á fánareglum Reykjavíkurborgar.

Þingmaðurinn Jón Pétur Zimsen þyngdist hressilega eftir að hafa tekið sæti á Alþingi og ákvað að taka á sínum málum þegar hann fór að verða móður og másandi við að ganga upp stiga. Hann fékk gervigreindina til að smíða æfingaprógram og léttist um átján kíló á þremur mánuðum.

Guðrún Hafsteinsdóttir, formaður Sjálfstæðisflokksins, segir nýjan meirihluta Sjálfstæðisflokks, Framsóknar og Viðreisnar í Reykjavík marka skýr tímamót og að íbúar borgarinnar muni finna fyrir breytingum fljótt. Hún sagði í Bítinu á Bylgjunni að nýir valdhafar væru komnir til starfa eftir nær þrjátíu ára stjórn vinstri flokka í borginni.

Sara Hlín Sigurðardóttir, flugstjóri hjá Icelandair, segir kröfur flugmanna ekki snúast um laun heldur hvíld, öryggi og fyrirsjáanleika. Hún segir vinnuálagið orðið nánast óbærilegt og að flugmenn hafi stigið niður fæti gagnvart því að selja frídaga sína til félagsins.

Formaður stjórnskipunar- og eftirlitsnefndar Alþingis segir enn skorta skýr svör um hvað taki við ef þjóðin samþykkir eða hafnar því að hefja á ný aðildarviðræður Íslands við Evrópusambandið í þjóðaratkvæðagreiðslu sem fram fer 29. ágúst. Nefndin hefur sent forsætisráðuneytinu og utanríkisráðuneytinu formlegar spurningar um framhaldið.

Kolfinna Rán, þrettán ára fótboltastjarna, greindist fyrst með krabbamein einungis rúmlega tveggja ára og aftur fyrir um ári síðan. Vinkona fjölskyldu hennar efnir nú til happdrættis til styrktar Kolfinnu sem hefur sýnt mikla seiglu í veikindunum. 

Gísli Rafn Ólafsson, ráðgjafi á sviði gervigreindar og höfundur bókarinnar The AI Fluent Leader, segir stærstu hættuna ekki felast í því að gervigreind taki störf af fólki, heldur í því að fyrirtæki, stofnanir og leiðtogar dragist aftur úr meðan aðrir læra hraðar og nýta tæknina betur. Það geti gerst hratt.

Daði Már Kristófersson fjármála- og efnahagsráðherra segir nýja skýrslu um íslensku krónuna leiða í ljós að hún hafi ekki staðið undir einni helstu klassísku röksemdinni fyrir sjálfstæðum gjaldmiðli: að sveigjanlegt gengi dempi áföll og auðveldi aðlögun hagkerfisins. Í Bítinu á Bylgjunni sagði hann niðurstöðuna afdráttarlausa að þessu leyti.

Sólveig Anna Jónsdóttir, formaður Eflingar, segist ganga lausnamiðuð inn í þær viðræður sem fram muni fara næstu vikur. Það geti þó farið svo að segja þurfi upp kjarasamningum í haust. Hún segist persónulega andsnúin inngöngu Íslands í ESB þar sem aðild sé andstæð hagsmunum verkafólks. 

Sprengisandur er á sínum stað á Bylgjunni í dag en þar fær Kristján Kristjánsson þáttastjórnandi til sín góða gesti og ræðir við þá samfélagsmálin sem brenna á þjóðinni. Hann ræðir vinnumarkaðinn, verðbólguna, evruna og þjóðaratkvæðagreiðsluna um áframhaldandi viðræður við Evrópusambandið.

Steinunn Þórðardóttir, formaður Læknafélags Íslands, segir að læknar telji þörf á mun dýpri og þroskaðri umræðu um dánaraðstoð áður en tekin verði afstaða til jafn umfangsmikillar breytingar á íslensku heilbrigðiskerfi. Hún varar við því að reynsla annarra ríkja sýni að mörk dánaraðstoðar hafi víkkað verulega eftir að hún var lögleyfð.

Núna eru um það bil helmingi minni líkur á að hvert og eitt skráð þungt bifhjól komi við sögu í slysi í umferðinni en fyrir tíu árum. Þetta kom fram hjá Þorgerði F. Guðmundsdóttur, formanni Sniglanna, og Einari Magnúsi Magnússyni, sérfræðingi á öryggis- og fræðsludeild Samgöngustofu, í Bítinu á Bylgjunni. Þau byggðu þar á útreikningi sem Sniglarnir hafa unnið út frá fjölda skráðra þungra bifhjóla og slysa.

Elvar Þormar, eigandi hugbúnaðarhússins Reon, segir vefinn jaedanei.is hafa orðið til af mjög einfaldri ástæðu: hann vissi sjálfur ekki hvað hann ætti að kjósa í væntanlegri þjóðaratkvæðagreiðslu um aðildarviðræður við Evrópusambandið. Vefurinn er hugsaður sem gervigreindarknúinn upplýsingavefur þar sem fólk getur spurt spurninga á íslensku, ensku og pólsku og fengið svör byggð á gögnum frá báðum hliðum umræðunnar ásamt opinberum frumheimildum.

Ekki er hægt að fullyrða að innleiðing 4G og aukin notkun snjalltækja valdi því beinlínis að fæðingartíðni hafi farið lækkandi á heimsvísu, að mati sérfræðings í fæðingartíðni. Stjórnmálamenn leiti logandi ljósi að einfaldri lausn og einfaldri orsök á vanda sem sé bæði flókinn og margþættur.

Mikið magn falsaðra lyfja er í umferð hér á landi og í skólpinu finnast alls kyns efni, allt frá ópíóðum til ketamíns. Þetta kom fram hjá Freyju Jónsdóttur, dósent við lyfjafræðideild Háskóla Íslands, og Adam Bauer, réttarefnafræðingi á Rannsóknastofu í lyfja- og eiturefnafræði við Háskóla Íslands og doktorsnema, í Bítinu á Bylgjunni.

Jón Steinar Gunnlaugsson, fyrrverandi hæstaréttardómari, segir marga Sjálfstæðismenn ævareiða eftir að nýr meirihluti Sjálfstæðisflokks, Viðreisnar og Framsóknarflokks var myndaður í Reykjavík. Hann segir niðurstöðu kosninganna hafa kallað á samstarf Sjálfstæðisflokks og Miðflokks.

Jón Ármann Steinsson bókaútgefandi segist hafa náð bata af fjórða stigs blöðruhálskirtilskrabbameini eftir að hafa farið eigin leiðir í meðferðinni og notað meðal annars lyfin Ivermectin og Mebendazol, sem hann segir erfitt að nálgast á Íslandi. Hann gagnrýnir íslensk heilbrigðisyfirvöld harðlega og telur að almenningur eigi að hafa greiðari aðgang að slíkum lyfjum.

Úkraínski sjónhverfingamaðurinn Petro Gurido heldur sýninguna The Illusionist í Hljómahöllinni í Reykjanesbæ 27. júní. Með honum í verkefninu er Einar Már hjá Taste of Iceland, sem kynntist honum á listamarkaði á Lækjartorgi og sá fljótt að þar færi listamaður með óvenjulega hæfileika.

Brynhildur Björnsdóttir dagskrárgerðarkona stendur á bak við útvarpsþættina Hold á Rás 1, þar sem hún veltir fyrir sér holdafari, megrunarmenningu, fitufordómum og nýjum læknisfræðilegum leiðum til þyngdarstjórnunar. Í Bítinu á Bylgjunni sagði hún eitt af því sem hún vildi gera með þáttunum vera að horfast beint í augu við orð sem margir forðast. „Feit, það heitir að vera feit,“ sagði hún.

Þetta hljómar næstum eins og titill á sakamálasögu en „Ráðgátan um rauðmagann“ er í raun nafn á verðlaunaðri sýningu Listasafns Íslands sem fjallar um eitt það viðkvæmasta sem listasöfn geta staðið frammi fyrir: fölsuð verk. Safnið fékk nýlega Safnaverðlaun Íslands fyrir sýninguna, þar sem gestum var gefið færi á að bera saman fölsuð verk og ófölsuð og sjá hvað skilur þar á milli.

Sólveig Anna Jónsdóttir, formaður Eflingar, segir stöðuna í efnahagsmálum mjög slæma eftir stýrivaxtahækkun Seðlabankans í gær. Í Bítinu á Bylgjunni sagði hún litla vonarglætu sjáanlega og að verkafólk, sérstaklega leigjendur og láglaunahópar, væru enn og aftur látnir bera byrðarnar.

Tryggvi Hjaltason, framkvæmdastjóri Andvara, sagði í Bítinu á Bylgjunni að staðan í íslensku menntakerfi væri orðin svo alvarleg að hún hefði ekki aðeins áhrif á börnin sjálf heldur einnig á framtíðartekjur og verðmætasköpun í landinu. Hann vísaði þar til greiningar sem Andvari hefur unnið upp úr PISA-gögnum og mati OECD.

Ásgeir Jónsson seðlabankastjóri segir verðbólgu enn of mikla og að peningastefnunefnd hafi ekki átt annan kost en að hækka stýrivexti. Hann segir að rjúfa þurfi hringekju launa- og verðhækkana til að hægt verði að hefja vaxtalækkunarferli.

Dagur B. Eggertsson, þingmaður Samfylkingarinnar og fyrrverandi borgarstjóri, segir upptöku evru geta gjörbreytt stöðu heimila og lítilla fyrirtækja á Íslandi. Hann segir vaxtamuninn á Íslandi og evrusvæðinu svo mikinn að um sé að ræða eitt stærsta kjaramál samtímans.

Óli Björn Kárason, fyrrverandi þingmaður Sjálfstæðisflokksins, segir skynsamlegt að reyna að mynda breiðan og sterkan meirihluta í Reykjavík með þátttöku fjögurra flokka. Hann gagnrýnir jafnframt ummæli Björns Inga Hrafnssonar um að Sjálfstæðismenn séu „hræddir við vókið“ og segir þau hafa torveldað mögulegar meirihlutaviðræður.

Seðlabankinn hækkaði stýrivexti í morgun úr 7,5 prósentum í 7,75 prósent. Að mati Jóns Bjarka Bentssonar, aðalhagfræðings Íslandsbanka, bendir það til þess að bankinn sjái bæði áfram mikla verðbólgu en líka skýrari merki um að hagkerfið sé farið að hægja á sér.

Bjartmar Leósson, sem gengur undir nafninu „hjólahvíslari“, segir skipulagðan vanda blasa við í Reykjavík þar sem sami hópurinn hafi árum saman stolið hjólum, verkfærum og öðrum verðmætum til að fjármagna fíkniefnakaup. Hann segir lögregluna undirmannaða og úrræðaleysið augljóst.

Björn Ingi Hrafnsson, Miðflokksmaður, segir kjósendur hafa kallað skýrt eftir breytingum í Reykjavík. Hann telur eðlilegast að Sjálfstæðisflokkurinn og Miðflokkurinn myndi meirihluta í borginni.

Vilhjálmur Birgisson, formaður Verkalýðsfélags Akraness og Starfsgreinasambandsins, segir vaxtahækkanir færa fé frá skuldsettum heimilum og fyrirtækjum yfir til fjármálafyrirtækja. Hann vill að Seðlabankinn fái heimild til að beita skyldusparnaði til að slá á einkaneyslu.

Það var líf í umræðunni í Bítinu á Bylgjunni í morgun þegar Bergþór Ólason, þingmaður Miðflokksins, og Ingvar Þóroddsson, þingmaður Viðreisnar, ræddu Evrópusambandið og fyrirhugaða þjóðaratkvæðagreiðslu í lok ágúst. Þeir voru sammála um eitt: málið verður eitt það stærsta í íslenskum stjórnmálum á næstu vikum. Þar fyrir utan var fátt sem sameinaði þá.

Páll Magnússon og Vigdís Hauksdóttir fóru yfir úrslit sveitarstjórnarkosninganna í Bítinu á Bylgjunni og voru sammála um að víða mætti lesa út úr niðurstöðunum ákall um breytingar, ekki síst í Reykjavík. Vigdís sagði úrslitin hafa verið Miðflokknum afar hagstæð og taldi ljóst að kjósendur í borginni hefðu sent skýr skilaboð. „Það urðu breytingar. Reykvíkingar kusu breytingar og það er bara mjög ánægjulegt,“ sagði hún.

Skoðanakannanir reyndust að þessu sinni nokkuð nærri úrslitum sveitarstjórnarkosninganna í Reykjavík, að sögn Þóru Ásgeirsdóttur, framkvæmdastjóra Maskínu. Í Bítinu á Bylgjunni sagði hún að síðasta könnun fyrirtækisins hefði verið að meðaltali aðeins einu prósentustigi frá endanlegri niðurstöðu.

Jón Ármann Steinsson bókaútgefandi segir að rannsókn og niðurstaða Geirfinnsmálsins hafi byggst á vísvitandi afvegaleiðingu og kerfisbundinni yfirhylmingu innan réttarkerfisins. Hann vinnur nú að sjónvarpsþáttaröð um málið og hyggst jafnframt opna stafrænan gagnabanka með tugþúsundum skjala tengdum rannsókninni.

Kosningarnar voru að sjálfsögðu fyrirferðarmiklar þegar þeir Jakob Bjarnar Grétarsson á Vísi og Stefán Einar Stefánsson á Morgunblaðinu og mbl.is fóru yfir fréttir vikunnar í Bítinu á Bylgjunni. 

Íbúar í Suðurhlíðum og nágrenni segja óþef og mengun frá líkbrennslu við Fossvogskirkjugarð enn valda þeim miklum ama. Soffía Ámundadóttir, íbúi í hverfinu, sagði í Bítinu á Bylgjunni að bráðabirgðaleyfi starfseminnar rynni út í ágúst og að nú yrði að koma til alvöru breytinga.

Það er óhætt að byrja að slá grasið í görðum landsmanna, að mati Bjarna Þórs Hannessonar, vallarstjóra hjá Golfklúbbi Mosfellsbæjar. Hann segir reglulegan slátt lykilinn að þéttari, grænni og fallegri grasfleti.

Í Dalabyggð fara fram óbundnar kosningar í sveitarstjórnarkosningunum þar sem enginn framboðslisti barst. Það þýðir að nánast allir kosningabærir íbúar sveitarfélagsins eru í kjöri.

Kjaradeila Icelandair og flugmanna heldur áfram að harðna og umræða um framtíð félagsins hefur færst upp á yfirborðið. Jón Karl Ólafsson, fyrrverandi forstjóri Icelandair, segir mikilvægt að rekstur félagsins raskist ekki á viðkvæmum tíma í alþjóðlegum flugrekstri og telur eðlilegt að stjórnendur skoði leiðir til að auka sveigjanleika í starfseminni.

Kappræðurnar fyrir borgarstjórnarkosningarnar á Sýn og Vísi í kvöld verða með öðru sniði en margir eiga að venjast. Sunna Sæmundsdóttir og Elísabet Inga Sigurðardóttir, fréttamenn hjá Sýn og Vísi, sögðu í Bítinu á Bylgjunni að markmiðið væri að fá skýrari svör frá oddvitunum og gera umræðuna aðgengilegri fyrir áhorfendur.

Staðan í stríðinu í Úkraínu er enn afar brothætt, en að sögn Erlings Erlingssonar hernaðarsagnfræðings hafa Úkraínumenn náð að stöðva vorsókn Rússa og valda þeim verulegu tjóni, bæði við víglínuna og djúpt inni í Rússlandi. Hann sagði í Bítinu á Bylgjunni að stríðið væri enn mulningsstríð þar sem hvorugur aðili næði afgerandi yfirhöndinni.

Hildur Björnsdóttir, oddviti Sjálfstæðisflokksins í Reykjavík, segir flokkinn ganga óbundinn til borgarstjórnarkosninga en gerir skýra grein fyrir því að samstarf við Samfylkinguna sé ekki fyrsti kostur.

Íslendingur varð um helgina Evrópumeistari í sjómanni á Evrópumeistaramóti sem fram fór í Búdapest. Haraldur Geir Hlöðversson bar sigur úr býtum bæði með hægri og vinstri hendi í flokki keppenda 70 ára og eldri.

Halldór Jörgen Olesen, ritstjóri Verðbólguvaktarinnar á vefnum verdbolga.net, fór yfir sex stærstu loforðin í aðdraganda kosninganna á laugardag í samtali við Bítið á Bylgjunni. 

Rúmenskur karlmaður sem búið hefur á Íslandi um árabil er grunaður um að hafa svikið um 160 milljónir króna út úr Arion banka með því að nýta sér misbrest í kerfi bankans, keypt sér bifreið fyrir hluta fjárins og flúið land með ferjunni Norrænu áður en hann var handtekinn í heimalandi sínu, Rúmeníu.

Samfélagsmiðlar geta skipt verulegu máli í aðdraganda borgarstjórnarkosninga, sérstaklega þegar kemur að því að ná til ungs fólks. Þetta sagði Sebastian Óli Guðmundsson, samfélagsmiðlafréttamaður hjá Ríkisútvarpinu, í Bítinu á Bylgjunni þar sem hann fór yfir hvernig flokkarnir í Reykjavík hafa staðið sig á TikTok.

Bandaríska varnarmálaráðuneytið hefur sett í loftið nýja undirsíðu helgaða fljúgandi furðuhlutum (UFO) þar sem birt eru skjöl, myndir og myndbönd af óútskýrðum fyrirbærum. Gunnar Dan, höfundur bókarinnar UFO101, sagði í Bítinu á Bylgjunni að um væri að ræða athyglisverða byrjun, þótt hann teldi gögnin enn langt frá því að vera endanleg sönnun um að geimverur væru hér á meðal vor. 

ÖBÍ réttindasamtök og aðstandendur barna á biðlistum vilja að biðlistar eftir lögbundinni þjónustu verði kosningamál í sveitarstjórnarkosningunum. Í Bítinu á Bylgjunni sögðu þær Alma Ýr Ingólfsdóttir, formaður ÖBÍ, og Stefanía Hulda Marteinsdóttir frá bidlisti.is að vandinn væri orðinn svo stór að fjölskyldur væru að bugast og kerfin aðeins að velta byrðunum sín á milli.

Nýjustu gögn benda til þess að laun á Íslandi séu orðin þau hæstu í Evrópu og að svigrúm til frekari hækkana sé ekki fyrir hendi, að mati Bjarna Benediktssonar, framkvæmdastjóra Samtaka atvinnulífsins. Í viðtali við Reykjavík síðdegis sagði hann meginverkefnið nú vera að verja þau lífskjör sem þegar hafa náðst, fremur en að sækja fram með enn hærri launum.

Karlotta Ósk Óskarsdóttir, ofurhlaupari og nýkrýndur Íslandsmeistari, tekur nú þátt í tíu daga langhlaupi í Búlgaríu. Þegar hún ræddi við Bítið á Bylgjunni í morgun var hún komin 563 kílómetra á áttunda degi hlaupsins.

Stefán Jón Hafstein, formaður stjórnar Ríkisútvarpsins, segir íslenska fjölmiðla vera í vörn gagnvart alþjóðlegri samkeppni og að stærsta ógnin komi síður innanlands en frá erlendum miðlum og tæknirisum. Hann var gestur í Bítinu á Bylgjunni í morgun, þar sem rætt var bæði um grein hans um stöðu íslenskra fjölmiðla og umræðu um óháða úttekt á fréttamennsku Ríkisútvarpsins.

Miklar umræður hafa skapast á samfélagsmiðlum eftir fréttir af smitum um borð í skemmtiferðaskipinu Hondius þar sem grunur leikur á að svokölluð Hantaveira hafi borist milli manna. Erna Milunka Kojic, yfirlæknir smitsjúkdómadeildar Landspítalans, segir málið alvarlegt en telur ekki ástæðu fyrir almenning á Íslandi til að óttast útbreidd smit hér á landi að svo stöddu.

Víðir Reynisson, formaður allsherjar- og menntamálanefndar Alþingis, tekur undir með lögreglu um að herða þurfi lög um brottvísanir útlendinga sem tengjast skipulagðri glæpastarfsemi. Hann segir mikilvægt að kærur til kærunefndar útlendingamála fresti ekki sjálfkrafa framkvæmd brottvísunar og að endurkomubann fylgi öllum slíkum ákvörðunum.

Það er ekki nýtt að fólk með mikla reynslu upplifi að það komist ekki einu sinni í atvinnuviðtal, að sögn Thelmu Kristínar Kvaran hjá Intellecta sem starfar sem ráðgjafi í ráðningum stjórnenda og sérfræðinga. Hún segir þó ekki augljóst að aldur skýri slíkt eingöngu, heldur sé samkeppnin á vinnumarkaði nú mjög hörð og margir hæfir umsækjendur um hvert starf.

Mikill aldursmunur þarf ekki að þýða að parsamband sé dæmt til að mistakast, en hann getur skapað sérstakar áskoranir. Þetta sagði Theodór Francis Birgisson hjá Lausninni í Bítinu á Bylgjunni í morgun, þar sem rætt var um sambönd og aldur.

Gervigreind er þegar farin að hafa áhrif á störf íslenskra blaðamanna, en hefur þó ekki tekið við hlutverki þeirra. Þetta er meðal niðurstaðna í BA-ritgerð Sveins Brimars Jónssonar í fjölmiðlafræði við Háskólann á Akureyri, þar sem hann skoðaði áhrif og breytingar á íslenskum fjölmiðlum á tímum gervigreindar.

Pétur Marteinsson, oddviti Samfylkingarinnar í Reykjavík, segir að gömlu hverfi borgarinnar hafi að einhverju leyti setið á hakanum á sama tíma og mikil uppbygging hafi átt sér stað annars staðar. Hann segir Laugardalinn vera í forgangi en varar við einföldum loforðum um að nýtt íþróttahús rísi þar á skömmum tíma.

Sigmundur Davíð Gunnlaugsson, formaður Miðflokksins, segir gögn sem lögð hafa verið fyrir utanríkismálanefnd sýna að undirbúningur að nýju aðildarferli Íslands að Evrópusambandinu hafi hafist áður en Alþingi kom saman eftir kosningar. Hann gagnrýnir harðlega það sem hann kallar skort á gagnsæi og segir þingmenn ekki fá fullnægjandi upplýsingar um samskipti íslenskra stjórnvalda við Evrópusambandið.

Golfferðir Íslendinga erlendis eru orðnar stór hluti af golfhreyfingunni og skapa árlega milljarða í veltu, að sögn Huldu Bjarnadóttur, forseta Golfsambands Íslands. Hún sagði í Reykjavík síðdegis á Bylgjunni að um átta þúsund Íslendingar færu árlega í slíkar ferðir og að vinsældir þeirra færu vaxandi.

Gagnaversiðnaður gæti orðið ein verðmætasta atvinnugrein landsins ef rétt er á málum haldið, að mati Bergþóru Halldórsdóttur, yfirlögfræðings Borealis Data Center. Í Bítinu á Bylgjunni sagði hún Ísland búa yfir afar hagstæðum aðstæðum fyrir gagnaver, en að landið hefði þó ekki nýtt tækifærin jafn hratt og önnur Norðurlönd.

Íslenska líftæknifyrirtækið Gleipnir lífssmiðja er að þróa byltingarkennda tækni sem gæti hraðað þróun nýrrar kynslóðar lyfja gegn sjúkdómum sem hingað til hafa þótt ólæknandi. 

Inga Sæland menntamálaráðherra og Jón Pétur Zimsen þingmaður segja stöðu íslenskra grunnskólanema grafalvarlega. Þau eru sammála um að grípa þurfi hratt inn í vegna versnandi lesskilnings, lakari námsárangurs og mögulegra langtímaáhrifa á efnahag og lýðræði.

Gunnar Gíslason, sem er með MBA-gráðu og víðtæka stjórnunarreynslu, segir lítið hafa þokast í atvinnuleit sinni þrátt fyrir að hafa sótt um um fimmtíu störf frá því hann missti vinnuna í janúar 2024. Í Reykjavík síðdegis á Bylgjunni sagðist hann sjaldnast komast í starfsviðtal og velti því fyrir sér hvort aldur, reynsla eða menntun gætu verið að vinna gegn sér.

Það vantar ljósmæður á Íslandi að sögn Unnar Berglindar Friðriksdóttur, formanns Ljósmæðrafélags Íslands, en hún segir vandann ekki síst felast í því að mönnunarviðmið séu löngu úrelt. Í Bítinu á Bylgjunni í morgun, á alþjóðlegum degi ljósmæðra, sagði hún starfsemina hafa breyst mikið á undanförnum árum án þess að viðmið hafi fylgt með.

FIFA hefur að mati Stefáns Pálssonar sagnfræðings og Vals Páls Eiríkssonar íþróttasiðfræðings þróast úr fátæku alþjóðasambandi í gríðarlegt peningaveldi þar sem heimsmeistaramótið er helsta mjólkurkúin. Í Bítinu á Bylgjunni sögðu þeir þróunina hafa leitt til sífellt hærra miðaverðs, meiri græðgi og þess að sífellt þrengri hópur ríkja geti haldið stórmót.

Ari Edwald, oddviti Miðflokksins í Reykjavík, segir skipulagsmál borgarinnar í ólestri og að endurskoða þurfi Borgarlínu og þéttingarstefnu frá grunni. Hann hafnar ásökunum um kvenfyrirlitningu og segir stjórnsýslukostnað Reykjavíkurborgar kalla á niðurskurð.

Diljá Mist Einarsdóttir, þingkona Sjálfstæðisflokksins, sakar meirihluta utanríkismálanefndar um að koma í veg fyrir að óskað verði eftir upplýsingum frá Evrópusambandinu um samskipti við íslensk stjórnvöld. Pawel Bartoszek, formaður nefndarinnar, segir slíka beiðni óhefðbundna og vandræðalega í alþjóðasamskiptum.

Flutningar á fyrstu vindmyllunni í Vaðölduver hefjast aðfararnótt 7. maí og verða meðal umfangsmestu þungaflutninga sem ráðist hefur verið í hér á landi. Sigurgeir Björn Geirsson, yfirverkefnastjóri Vaðölduvers, sagði í Reykjavík síðdegis að fram undan væru vikur þar sem fluttir yrðu yfir þrjú hundruð stakir hlutar frá Þorlákshöfn upp í Vaðöldu.

Vilhjálmur Birgisson, formaður Starfsgreinasambandsins, hafnar því að verkalýðsfélögin hafi lokið hlutverki sínu. Í Bítinu á Bylgjunni í morgun sagði hann ummæli framkvæmdastjóra Viðskiptaráðs um að félögin væru tímaskekkja sýna lítinn skilning á raunverulegum vanda launafólks og þeirri stöðu sem komi upp þegar brotið er á réttindum þess.

Guðni Ágústsson, fyrrverandi landbúnaðarráðherra, og Ólafur Stephensen, framkvæmdastjóri Félags atvinnurekenda, tókust hart á um innflutning á lambakjöti í Reykjavík síðdegis á Bylgjunni. Guðni segir enga ástæðu til að flytja lambakjöt til Íslands en Ólafur segir sjálfsagt að neytendur hafi val.

Halldór Jörgen Olesen vill opna umræðu um stórhuga framtíðarskipulag í Reykjavík. Hugmynd hans gengur út á 427 hektara landfyllingu í Skerjafirði, þar sem gæti risið nýtt hverfi fyrir allt að 37 þúsund íbúðum, með skólum, Borgarlínu, smábátahöfn og náttúrusvæðum.

Linda Karen Gunnarsdóttir, formaður Dýraverndarsambands Íslands, og Ragna Þorsteinsdóttir, ritari Villikatta, sögðu í Bítinu á Bylgjunni að nýleg mál þar sem hundur og köttur eru talin hafa verið eitruð með matarbita væru gróft og kvalafullt dýraníð. Þær sögðu atvikin hafa vakið mikinn óhug og kölluðu eftir harðari viðbrögðum við svona brotum.

Lukka Pálsdóttir hjá Greenfit segir kreatín eitt mest rannsakaða fæðubótarefni heims og ekki hafa verið sýnt fram á skaðsemi við almenna notkun. Hún segir efnið þó ekki vera neina töfralausn og að ávinningurinn ráðist meðal annars af því hvort fólk láti líkamann og heilann hafa eitthvað fyrir stafni.

Snorri Másson, þingmaður Miðflokksins, segir mál tveggja kvenna sem hafa búið á Íslandi í áratugi sýna að eitthvað sé „afskaplega skrítið“ við framkvæmd ríkisborgararéttar. Hann vill endurskoða ferlið hjá Alþingi og Útlendingastofnun en jafnframt herða almenn skilyrði fyrir veitingu ríkisborgararéttar.

Sigga Foss, sem er norsk að uppruna en hefur búið á Íslandi í tæp 49 ár, segir það bæði undarlegt og niðurlægjandi að hafa enn ekki fengið íslenskan ríkisborgararétt. Hún sagði í Bítinu á Bylgjunni að hún hefði lagt fram ýmis gögn til að sanna dvöl sína hér á landi, en að síðast hefðu viðskipti hennar í Bónus verið notuð til að reyna að staðfesta búsetuna.

Spár um að gervigreind færi að gegna lykilhlutverki í netárásum og veikleikagreiningu eru farnar að rætast, að sögn Guðmundar Arnars Sigmundssonar, netöryggis- og gagnaþróunarstjóra Advania á Íslandi. Hann segir ný verkfæri geta flýtt netárásum verulega, en á sama tíma opni þau líka ný tækifæri til að finna veikleika og styrkja varnir.

Arnar Pétursson, margfaldur Íslandsmeistari í hlaupum, segir Lundúnamaraþonið um helgina hafa verið einn magnaðasta dag í sögu maraþonhlaupa. Keníumaðurinn Sabastian Sawe varð þar fyrstur manna til að hlaupa maraþon á undir tveimur klukkustundum í löglegu keppnishlaupi þegar hann kom í mark á 1:59:30. Eþíópíumaðurinn Yomif Kejelcha varð annar á 1:59:41, einnig á undir tveimur klukkustundum.

Einar Þorsteinsson, oddviti Framsóknarflokksins í Reykjavík, segir rekstur borgarinnar valda „gríðarlegum vonbrigðum“ og telur að nýr meirihluti verði að setja aðhald í rekstri í forgang eftir kosningar. Hann útilokar samstarf við Samfylkinguna að þeim loknum og segir flokkinn vera „hluta af vandamálinu“.

Samgöngumál verða í forgrunni í sveitarstjórnarkosningunum á höfuðborgarsvæðinu. Konráð S. Guðjónsson hagfræðingur segir tafir í umferð ekki aðeins pirrandi heldur líka dýrar. Hann áætlar að heildarkostnaður vegna umferðarteppa geti numið um 150 þúsund krónum á mánuði fyrir hverja fjölskyldu þegar bæði er horft til heimila og atvinnulífs.

Frumvarp um jöfnun dreifingarkostnaðar raforku gæti markað tímamót fyrir heimili og fyrirtæki í dreifbýli. Ráðherra segir breytingarnar bæta rekstrarskilyrði verulega og jafna stöðu landsmanna óháð búsetu.

Þótt sumarið sé formlega gengið í garð bendir veðurspáin ekki til neins verulegs vorbakslags á næstu dögum. Einar Sveinbjörnsson veðurfræðingur segir kaldari loftmassa vissulega á leiðinni í næstu viku, en að kuldakastið verði fremur vægt og snúi einkum að heiðum vestanlands.

Sigríður Ósk Hrafnkelsdóttir, sem notar listamannsnafnið Sigga Ózk, var um helgina krýnd Ungfrú Ísland. Hún segir titilinn munu breyta miklu, þó hann breyti henni ekki sem manneskju, en keppnishaldari segir hana hafa skarað fram úr bæði á sviði og í dómaraviðtali.

Fjártæknifyrirtækið Aurbjörg hefur sett í loftið nýtt tól sem á að hjálpa fólki að átta sig betur á lífeyrismálum og því hvenær það geti hætt að vinna. Tólið er sagt taka mið af íslenskum skattareglum, lífeyrissjóðum, séreignarsparnaði og greiðslum frá Tryggingastofnun með það að markmiði að sýna hvernig megi fá sem mest út úr lífeyrissparnaði eftir starfslok.

Nýjar skýrslur Veðurstofu Íslands um langtímahættumat vegna hraunvár á höfuðborgarsvæðinu og Reykjanesskaga hafa vakið töluverða athygli. Þar eru Grindavík og Hveragerði meðal þeirra staða sem talin eru berskjaldaðastir ef til eldgosa kemur. Bæjarstjórar beggja sveitarfélaga segja þó að niðurstöðurnar veki ekki ótta heldur styðji við markvissari viðbrögð og áframhaldandi uppbyggingu.

Margir eru þessa dagana að opna grillið eftir vetrardvalann, en Óskar Finnsson, veitingamaður og matreiðslumaður, segir mikilvægt að byrja á góðri hreinsun áður en fyrsta steikin fer á teinana. Hann segir nóg að fá hlýja daga til að óboðnir gestir fari að gera sig heimakomna í grillinu.

Guðmundur Kristjánsson, oft kallaður Guðmundur í Brimi, hafnar því að stórútgerðin hafi komið sínum mönnum fyrir í stjórnkerfinu til að gæta hagsmuna sinna. Hann segir slíkan málflutning ekki boðlegan og gagnrýnir jafnframt harðlega ummæli formanns Landssambands smábátaeigenda, sem dró upp dökka mynd af stöðu smábátaeigenda í viðtali í Bítinu í gær.

Sigurður Örn Hilmarsson, þingmaður Sjálfstæðisflokksins, gagnrýndi harðlega fyrirhugaðar breytingar á sóttvarnalögum í Reykjavík síðdegis á Bylgjunni í dag. Hann segir frumvarpið fela í sér of víðtækar heimildir fyrir heilbrigðisráðherra, án þess að Alþingi hafi nægilega beina aðkomu að ákvörðunum um íþyngjandi sóttvarnaaðgerðir.

Sigmundur Davíð Gunnlaugsson, formaður Miðflokksins, gagnrýndi harðlega í Reykjavík síðdegis á Bylgjunni það sem hann kallar fyrirhugaða aðlögun Íslands að hælisleitendapakka Evrópusambandsins. Hann segir málið fela í sér verulega skerðingu á yfirráðum Íslands yfir eigin landamærum og að með því sé stigið stórt skref í átt að aukinni aðlögun að Evrópusambandinu á viðkvæmu sviði.

Ný íslensk hljóðbókaveita, Sagnaland, opnaði fyrir tæpum tveimur vikum og segja stofnendur að viðtökurnar hafi verið fram úr vonum. Veitan er sett fram sem íslenskur valkostur á markaði sem þeir segja hafa verið þröngan, með áherslu á íslenskt efni, fleiri áskriftarleiðir og betri kjör fyrir útgefendur og höfunda.

Kjartan Páll Sveinsson, formaður Landssambands smábátaeigenda, segir umfjöllun danska blaðsins Berlingske um íslenskan sjávarútveg ekki koma trillukörlum á óvart. Hann segir kvótakerfið hafa leitt til þess að aflaheimildir hafi safnast á sífellt færri hendur og að þróunin hafi bitnað harkalega á sjávarbyggðum landsins.

Það styttist óðum í að ökumenn losi sig við nagladekkin. Að sögn Björns Kristjánssonar, sérfræðings hjá FÍB, er full ástæða til að huga bæði að ástandi dekkja og hjólastillingu um leið og skipt er yfir í sumardekk. Hann segir muninn á góðum og lélegum dekkjum geta skipt sköpum, ekki síst í bleytu, þar sem hemlunarvegalengd geti lengst verulega á óvandaðri dekkjum.

Íris Líf Stefánsdóttir, sem hefur vakið athygli á samfélagsmiðlum fyrir hagnýt sparnaðarráð, segir vel hægt að fæða þriggja manna fjölskyldu í viku fyrir innan við tíu þúsund krónur. Lykillinn sé að skipuleggja innkaupin vel, byggja máltíðir á ódýrum hráefnum og nýta afganga til fulls.

Gunnar Dan, höfundur bókarinnar UFO 101, sagði í Bítinu á Bylgjunni í morgun að ellefu einstaklingar sem tengdust rannsóknum á fljúgandi furðuhlutum og geimverum hefðu horfið eða látist við dularfullar aðstæður að undanförnu. Hann sagði fjöldann hafa hækkað úr níu í ellefu á skömmum tíma og taldi málið mögulega tengjast valdabaráttu stórvelda.

Kjarnaboranir hófust í Vestmannaeyjum um helgina á vegum Eyjaganga ehf., en um er að ræða boranir þar sem tekin eru sýni úr jörðu og bergi til að kanna aðstæður fyrir mögulega vegtengingu milli lands og Eyja. Árni Sigfússon, stjórnarformaður Eyjaganga ehf., sagði í Bítinu á Bylgjunni að verkið hefði farið vel af stað og að fyrstu sýni væru farin að berast.

Ágreiningur um stöðu umsóknar Íslands um aðild að Evrópusambandinu og orðalag fyrirhugaðrar þjóðaratkvæðagreiðslu var í brennidepli í Reykjavík síðdegis á Bylgjunni. Þar tókust þau Sigmar Guðmundsson, þingflokksformaður Viðreisnar, og Sigríður Andersen, þingflokksformaður Miðflokksins, á um hvort umsókn Íslands frá 2009 sé enn í gildi og hvað kjósendur eigi í raun að vera spurðir um.

Íslandsmeistaramótið í Ólsen Ólsen fer fram um helgina á vegum X977 og er þegar orðið tvöfalt stærra en í fyrra. Tommi Steindórs, dagskrárstjóri X977, sagði í Bítinu á Bylgjunni í morgun að mótið væri nú orðið fullt, með sextíu og fjórum keppendum skráðum til leiks.

Jakob Falur Garðarsson, fráfarandi framkvæmdastjóri Frumtaka, og Ragnar Freyr Ingvarsson læknir sögðu í Bítinu á Bylgjunni í morgun að íslenskir sjúklingar nytu ekki sama aðgengis að nýjum lyfjum og fólk í nágrannalöndum. Þeir sögðu meginástæðuna vera íþyngjandi regluverk og harkalega verðkröfu stjórnvalda sem gerði íslenska markaðinn síður aðlaðandi fyrir alþjóðleg lyfjafyrirtæki.

Vigdís Steinþórsdóttir, hjúkrunarfræðingur, heilari og dáleiðari, segir sífellt fleiri leita til sín vegna óþæginda sem hún telur geta tengst draugagangi eða öðrum „orkum“ á heimilum og sveitabæjum. Í viðtali í Reykjavík síðdegis á Bylgjunni lýsti hún því hvernig hún segist hreinsa hús og staði, oft úr fjarlægð, með aðstoð bænar, hugleiðslu og eigin skynjunar.

Mennta- og barnamálaráðherra segir óviðunandi að horfa upp á versnandi námsárangur barna og hyggst halda ótrauð áfram með breytingar í skólakerfinu þrátt fyrir harða gagnrýni úr röðum kennara. Þetta kom fram í viðtali í Reykjavík síðdegis á Bylgjunni, daginn eftir að nokkrir kennarar stóðu upp, gengu út og sneru baki í ráðherrann þegar hún ávarpaði þing Kennarasambands Íslands.

Rúna Hauksdóttir Hvannberg, forstjóri Lyfjastofnunar, segir mikilvægt að fólk leiti aðeins til réttra aðila þegar kemur að meðferðum með fylliefnum. Umræðan tók við sér eftir að greint var frá því að maður á fimmtugsaldri hefði leitað á bráðamóttöku Landspítala eftir að hýalúrónsýru var sprautað í getnaðarlim hans á snyrtistofu í Hafnarfirði. Málið er komið á borð lögreglu.

Elín Vigdís Guðmundsdóttir, formaður Sáttar - samtaka um átröskun, sagði í Bítinu á Bylgjunni í morgun að þróunin í átröskunum meðal barna og unglinga væri bæði alvarleg og sláandi. Hún sagði að börn væru að greinast sífellt yngri og vísaði til þess að á BUGL sæjust dæmi um börn allt niður í níu ára með átröskun.

Jón Pétur Zimsen, þingmaður Sjálfstæðisflokksins, og Snorri Másson, þingmaður Miðflokksins, sögðust í Bítinu á Bylgjunni styðja meginlínuna í ræðu Ingu Sæland mennta- og barnamálaráðherra á þingi Kennarasambands Íslands. Þar boðaði ráðherrann meðal annars breytingar á einkunnagjöf í grunnskólum, sem vöktu hörð viðbrögð meðal kennara og leiddu til þess að sumir gengu út eða sneru baki í hana. 

Stuttur lúr yfir daginn getur haft veruleg jákvæð áhrif á bæði andlega líðan og hugræna færni, að sögn svefnsérfræðings. Hins vegar getur röng tímasetning eða of langur blundur haft öfug áhrif og truflað nætursvefn.

Magnús Þór Jónsson, formaður Kennarasambands Íslands, segir yfirlýsingu Ingu Sæland barna- og menntamálaráðherra um breytingar á einkunnagjöf í grunnskólum hafa komið flatt upp á kennara. Hann ræddi málið í Reykjavík síðdegis á Bylgjunni eftir að ráðherrann boðaði í ræðu á þingi Kennarasambands Íslands að nota ætti tölustafi í einkunnagjöf í grunnskólum í stað bókstafa eða annarra forma. 

Ný könnun á vegum Rannsóknaseturs í byggða- og sveitarstjórnarmálum við Háskólann á Bifröst bendir til þess að íbúum á landsbyggðinni gæti fjölgað um tæplega 29 þúsund ef fólk fengi að vinna meira óstaðbundið. Gréta Bergrún Jóhannesdóttir, sérfræðingur hjá rannsóknasetrinu, sagði í Bítinu á Bylgjunni að þar fælust veruleg tækifæri, bæði fyrir landsbyggðina og höfuðborgarsvæðið.

Þingvallanefnd hefur fengið tvö erindi þar sem mótmælt er fyrirhuguðum Kaleo-tónleikum á Þingvöllum 20. júní. Formaður nefndarinnar segir málið verða tekið fyrir á fundi, þótt tónleikarnir hafi þegar verið samþykktir og miðasala hafin.

Ný lög um leigubifreiðaakstur taka gildi 1. júní næstkomandi, en leigubílstjóri segir óvissu ríkja um áhrif þeirra. Skylda til að vera tengdur leigubílastöð er helsta breytingin í bráð, á meðan stærri kerfisbreytingar bíða enn.

Hundur og köttur drápust um helgina eftir að hafa komist í pylsubita í sumarbústaðahverfi í Kjós þar sem grunur leikur á að frostlögur hafi verið notaður sem eitur. Málið hefur vakið mikinn óhug meðal dýraeigenda, enda um að ræða efni sem getur valdið dauða dýra á örskömmum tíma.

Willum Þór Þórsson, forseti ÍSÍ, segir umræðuna um kostnað við íþróttaiðkun barna bæði brýna og tímabæra. Hann ræddi málið í Bítinu á Bylgjunni í morgun og sagði ljóst að heimilin væru farin að bera sífellt þyngri byrðar, sérstaklega á landsbyggðinni, þar sem ferðakostnaður vegna móta getur hlaupið á háum upphæðum.

Forseti Flugmálafélagsins segir svokallað „low pass flug“ vera gamalgróna hefð þegar flugmenn ljúka löngum starfsferli. Atvik þar sem Icelandair-vél flaug lágt yfir Vestmannaeyjar er þó nú til rannsóknar hjá Samgöngustofu.

Formaður Afstöðu segir að sumir bíði árum saman eftir því að hefja afplánun og að dómar geti jafnvel fyrnst á meðan. Formaður allsherjarnefndar segir brýnt að ráðast í fleiri úrræði samhliða uppbyggingu nýs fangelsis.

Atvinnurekandi segir meðalmann geta verið með yfir 1,4 milljónir á mánuði í vexti við starfslok – ef sparnaður væri ávaxtaður með öðrum hætti en í dag.

Dagmar Valsdóttir og Eva Lind Matthíasdóttir, báðar búsettar í Grindavík, gagnrýndu í Bítinu á Bylgjunni nýjustu tilmæli Grindavíkurnefndar harðlega og sögðu að enn á ný væru teknar stórar ákvarðanir um Grindvíkinga án þess að hlustað væri á þá sjálfa. Tilmælin ganga út á að ekki sé æskilegt að hefja skólastarf í Grindavík í haust og að ekki sé mælt með því að barnafjölskyldur flytji aftur í bæinn meðan óvissa varir.

Íslenska fyrirtækið AviLabs þjónustar nú ellefu flugfélög í fimm heimsálfum með hugbúnaði sem á að grípa farþega þegar ferð rofnar, til dæmis vegna seinkana eða aflýsinga. Að sögn Sveins Akerlie, eins af stofnendum fyrirtækisins, fá nú yfir milljón farþegar á mánuði valkosti í gegnum kerfið.

Ingibjörg Davíðsdóttir, þingkona Miðflokksins og fyrrverandi sendiherra, sagðist í Reykjavík síðdegis á Bylgjunni vera ósátt við svör utanríkisráðherra við ellefu spurningum hennar um lokun sendiráðs Íslands í Moskvu. Hún sagði ráðherra hafa óskað eftir lengri svarfresti vegna þess að spurningarnar væru viðamiklar, en niðurstaðan væri að hennar mati afar rýr.

Talsverð umræða hefur skapast um siðferðislega hlið þess að veiða og sleppa laxi aftur í ána eftir að pistill um efnið vakti athygli fyrr í vikunni. Leigutaki í einni þekktustu laxveiðiá landsins segir aðferðina hins vegar lykilatriði í verndun stofna sem eigi undir högg að sækja.

Kristinn Árni Lár Hróbjartsson, meðstofnandi hugveitunnar Vörðu, sagði í Bítinu á Bylgjunni að þótt mikill vilji væri meðal landsmanna til að vera betur undirbúnir fyrir hamfarir, væri raunverulegur undirbúningur víða takmarkaður. Hann sagði könnun sem Varða lét gera sýna að rúmlega 80 prósent teldu gott að undirbúa sig, en færri en 30 prósent hefðu í raun gert eitthvað í því.

Nýjustu tæknilausnir í réttarrannsóknum hafa gjörbreytt vinnubrögðum lögreglu og geta skipt sköpum við uppljóstrun alvarlegra brota. Þetta kom fram í Reykjavík síðdegis á Bylgjunni þar sem rætt var við Ragnar Jónsson,  lögreglufulltrúa hjá tæknideild lögreglunnar á höfuðborgarsvæðinu.

Steinunn Þórðardóttir, formaður Læknafélags Íslands, sagðist í Reykjavík síðdegis á Bylgjunni vera verulega undrandi á uppsögn Ragnars Freys Ingvarssonar læknis á Landspítalanum. Hún sagði ákvörðunina óskiljanlega, ekki síst í ljósi þess að sjálfur spítalinn hafi talað opinskátt um læknaskort og að Ragnar Freyr sé að hennar mati verðmætur starfskraftur.

Björn Skúlason forsetaherra og Auður Axelsdóttir, framkvæmdastjóri Hugarafls, ræddu í Bítinu á Bylgjunni í morgun um nýtt árvekniátak samtakanna og hlaðvarpið Allt í lagi með Birni Skúlasyni. Markmiðið er að efla sýnileika Hugarafls, ýta undir opnari umræðu um geðheilsu og minna fólk á að það sé ekkert að því að leita sér hjálpar þegar illa liggur á því.

Í Bítinu á Bylgjunni í morgun gagnrýndi Jens Garðar Helgason, varaformaður Sjálfstæðisflokksins og þingmaður í Norðausturkjördæmi, harðlega áform um að hækka virðisaukaskatt á baðlón úr 11 prósentum í 24 prósent. Slík hugmynd hefur verið nefnd í fjármálaáætlun ríkisstjórnarinnar og hefur þegar vakið sterk viðbrögð í ferðaþjónustunni.

Vigdís Steinþórsdóttir, hjúkrunarfræðingur, heilari og dáleiðari, sagði í Reykjavík síðdegis á Bylgjunni að hún hefði nýverið hreinsað draugagang úr Hvítárnesskála Ferðafélags Íslands. Að hennar sögn hafði reiður andi látið þar öllum illum látum en hún kvaðst hafa talað beint til hans og hjálpað honum „heim“.

Í Reykjavík síðdegis á Bylgjunni ræddi Guðrún Hafsteinsdóttir, formaður Sjálfstæðisflokksins, ítarlega um meiðyrðamál Solaris gegn henni. Málið snýst um ummæli sem hún lét falla í Spursmálum á mbl.is 28. nóvember í fyrra um palestínska dvalarleyfishafa. Solaris krefst þess að tiltekin ummæli verði dæmd dauð og ómerk.

Anna Fríða Gísladóttir, framkvæmdastjóri markaðssviðs Nóa Síríus, segir að verulega hafi gengið á páskaeggjabirgðir fyrirtækisins. Hún sagði í Reykjavík síðdegis á Bylgjunni í dag að framleiðslan væri nú að klárast, lagerinn orðinn tómur og að fólk ætti að hafa hraðar hendur ef það vildi tryggja sér páskaegg í tæka tíð.

Í Bítinu á Bylgjunni ræddi Þóra Hrund Guðbrandsdóttir, eigandi Munum, um skipulag, dagbókarskrif og hvernig fólk geti náð aðeins betra taki á lífinu. Hún sagði það ákveðinn sigur að vera kölluð skipulagsdrottning, ekki síst vegna þess að skipulag hafi aldrei verið henni sérstaklega tamt.

Í Reykjavík síðdegis á Bylgjunni í dag ræddu þeir Ísak Aron Jóhannsson, nýkrýndur kokkur ársins, og Þórir Erlingsson, forseti Klúbbs matreiðslumeistara, um gildi keppnismatreiðslu og stöðu Íslands á alþjóðlegum vettvangi í matreiðslu. Þórir sagði Ísland í dag vera meðal fimm bestu þjóða í heiminum í matreiðslu og benti á að öflug keppnismenning skipti miklu máli. 

Í Reykjavík síðdegis á Bylgjunni í dag sagði Óli Rúnar Jónsson, framkvæmdastjóri Ölgerðarinnar, að útflutningur á Collab hefði gengið þokkalega og að milljónir dósa hefðu þegar farið úr landi. Hann sagði drykkinn nú seldan í Austurríki, Þýskalandi og Danmörku, auk þess sem stefnt sé á innkomu í Sviss á næstunni.

Leikskólamálin voru fyrirferðarmikil í oddvitaspjalli Einars Þorsteinssonar, oddvita Framsóknar í Reykjavík, og Kristins Jóns Ólafssonar, oddvita Pírata í Reykjavík, í Bítinu á Bylgjunni í morgun. Þeir voru sammála um að staðan kalli á nýjar lausnir en greindi verulega á um hvaða leið væri rétt að fara.

Í Bítinu á Bylgjunni í morgun ræddi Elísabet Reynisdóttir næringarfræðingur um repjuolíu, vinnslu hennar og hvernig hún birtist neytendum í daglegum matvörum. Hún sagði umræðuna oft verða bæði tilfinningaþrungna og umdeilda, en vildi fyrst og fremst hvetja fólk til að kynna sér betur hvað væri í vörunum sem það kaupir og neytir.

Óánægja með lokanir vega í kjölfar veðursins sem gekk yfir landið hefur verið áberandi meðal hlustenda í Reykjavík síðdegis á Bylgjunni. Margir telja að gengið sé of langt í fyrirbyggjandi lokunum og kalla eftir sveigjanlegra kerfi þar sem tekið sé mið af reynslu og búnaði ökumanna.

Umfangsmiklar lokanir vega í kjölfar veðursins sem gekk yfir landið í gær hafa verið gagnrýndar. Finnur Aðalbjörnsson, verktaki á Akureyri, segir að víða hafi verið lokað að óþörfu og viðbrögð úr takti við raunverulegar aðstæður.

Sigmundur Davíð Gunnlaugsson, formaður Miðflokksins, segir umræðu undanfarinna daga um meinta tengingu manna hér á landi við Hamas vera áminningu um alvarlega stöðu í útlendingamálum og löggæslu. Hann telur að óháð því hvort fullyrðingar um tengsl við hryðjuverkasamtök standist, sé ljóst að um sé að ræða hættulega einstaklinga sem eigi ekki erindi í íslenskt samfélag.

Í Bítinu á Bylgjunni í morgun sagði Ingibjörg Lilja Þórmundsdóttir, stjórnarformaður Rafals, að þróunin væri allt of hæg að fá fleiri konur í rafiðnaðarstörf.  Hún sagði rafvirkjun henta konum ákaflega vel og að störf í iðnaði væru meðal þeirra sem gervigreindin væri ólíklegust til að taka yfir á næstu árum.

Harðar deilur hafa sprottið upp í kjölfar forsíðufréttar Morgunblaðsins um meinta Hamas-tengda menn hér á landi en lögreglan hefur hafnað þeim fullyrðingum afdráttarlaust. Skiptar skoðanir eru um málið.

Verðbólga mælist nú 5,4 prósent og hefur hækkað milli mánaða úr 5,2 prósentum frá því í febrúar. Daði Már Kristófersson, fjármálaráðherra, segir tölurnar valda vonbrigðum en bendir á að hækkunin skýrist að stórum hluta af ytri þáttum, einkum hækkandi olíuverði.

Í Bítinu á Bylgjunni í morgun ræddu álitsgjafarnir Ólafur Arnarson og Ólafur Ísleifsson harða orðræðu sem skapast hefur eftir fréttaflutning Morgunblaðsins um meinta Hamas-tengda menn hér á landi og afdráttarlausa höfnun lögreglu á frásögninni.

Það er orðið mun erfiðara fyrir venjulegt launafólk að koma sér þaki yfir höfuðið en áður var, að mati Vilhjálms Birgissonar, formanns Starfsgreinasambandsins. Hann segir stöðuna á húsnæðismarkaði nú allt aðra en hún var fyrir nokkrum áratugum og telur að afnám verkamannabústaðakerfisins hafi reynst mikil afturför.

Forsíðufrétt Morgunblaðsins í dag um meint tengsl hluta þeirra manna sem handteknir voru eftir alvarlega árás í bílakjallara á Höfðatorgi við Hamas hefur vakið hörð viðbrögð. Lögregla sendi síðar í dag frá sér yfirlýsingu þar sem sagði að ekkert benti til þess að mennirnir tengdust samtökunum.  Stefán Einar Stefánsson, blaðamaður Morgunblaðsins og umsjónarmaður Spursmála á mbl.is segist ekki hafa ástæðu til að efast um fréttaflutning blaðsins.

Í Bítinu á Bylgjunni í morgun ræddi Theodór Francis Birgisson hjá Lausninni um ágreining milli systkina og sagði mikilvægt að foreldrar stigu ekki of hratt inn í slík átök. Hann sagði rifrildi og núning milli systkina oft eðlilegan hluta af uppvexti, en að vandinn yrði alvarlegri ef hann færi að valda langvarandi vanlíðan eða ótta.

Í Bítinu á Bylgjunni í morgun tókust Hildur Björnsdóttir, oddviti Sjálfstæðisflokksins í borginni og Pétur Marteinsson, oddviti Samfylkingar á um áhrif borgarlínu á Suðurlandsbraut og hvernig samgöngusáttmálinn verði fjármagnaður. Hildur sagði fyrirhuguð veggjöld jafngilda aukaskatti á íbúa höfuðborgarsvæðisins og varaði við raski fyrir atvinnulíf á brautinni, en Pétur sagði ekki mega tefja verkefni sem ætti að greiða umferð og bæta almenningssamgöngur.

Lögreglan á höfuðborgarsvæðinu hefur tekið í notkun nýja og öfluga dróna sem ætlað er að flýta viðbragði og auka yfirsýn á vettvangi. Með tilkomu svokallaðra drónadokka, þar sem drónar eru geymdir og sjálfvirkt tilbúnir til flugs, getur lögregla nú brugðist hraðar við en áður – jafnvel áður en lögreglubílar ná á staðinn.

Tekist var hart á um frumvarp ríkisstjórnarinnar um afnám áminningarskyldu gagnvart opinberum starfsmönnum í Reykjavík síðdegis á Bylgjunni í dag. Varaformaður BSRB segir málið jafngilda stríðsyfirlýsingu við opinbera starfsmenn og launþegahreyfinguna, á meðan framkvæmdastjóri Viðskiptaráðs fagnar frumvarpinu en telur þó að það gangi ekki nægilega langt.

Það er alls ekki fráleitt að rannsaka möguleikann á göngum milli lands og Vestmannaeyja, að mati Ármanns Höskuldssonar, eldfjallafræðings og rannsóknarprófessors við Háskóla Íslands. Hann segir tæknilega mögulegt að ráðast í slíka framkvæmd, þótt nauðsynlegt sé að kanna jarðlög og kostnað mun betur áður en lengra er haldið.

Í Bítinu á Bylgjunni greindu þær Sigurdís Haraldsdóttir, yfirlæknir krabbameinslækninga á Landspítala og dósent í læknadeild Háskóla Íslands, og Sigríður Gunnarsdóttir, prófessor í krabbameinshjúkrun við Háskóla Íslands og forstöðumaður Rannsóknarseturs Krabbameinsskrár hjá Krabbameinsfélagi Íslands, frá því að krabbameinsmiðstöð yrði stofnuð á Íslandi. Miðstöðin verður staðsett á Landspítala og á að samræma betur þjónustu við krabbameinssjúklinga.

Yngvi Ómar Sigrúnarson, formaður Leigjendasamtakanna, segir boðaðar skattabreytingar á leigutekjur og söluhagnað leiguíbúða ekki réttlæta miklar hækkanir á leiguverði. Þetta sagði hann í Bítinu á Bylgjunni, spurður um mat Kára S. Friðrikssonar hjá Arion banka um að leiga gæti þurft að hækka um 18 til 25 prósent þegar breytingarnar taka gildi um næstu áramót.

Óvenjuslæmt veður hefur verið Tenerife undanfarið. Fjöldi Íslendinga sem hélt þangað í sólarleit hefur mætt roki og rigningu í stað blíðunnar sem jafnan er tengd við eyjuna. Í Reykjavík síðdegis á Bylgjunni var spurt hvort mögulegt væri að tryggja sig gegn slíkum vonbrigðum.

Nýjar rannsóknir á mögulegum jarðgöngum milli lands og Vestmannaeyja eru nú hafnar af fullri alvöru og gætu fyrstu niðurstöður legið fyrir þegar líður á sumarið. Þetta segir Árni Sigfússon stjórnarformaður Eyjaganga, sem telur forsendur verkefnisins sterkari en nokkru sinni fyrr.

Starfshópur um húsnæðislánakerfið hefur tekið til starfa og á að skila tillögum í mars á næsta ári. Hlutverk hópsins er meðal annars að fara yfir áhrif svonefndra vaxtadóma og skoða hvernig megi móta nýtt húsnæðisfjármögnunarkerfi hér á landi með hliðsjón af erlendum fyrirmyndum.

Fjöldi fólks gæti verið að fara á mis við skattfrjálsan ökutækjastyrk af því akstur fyrir vinnuna er ekki skráður. Eva Dís Sigrúnardóttir kynnti í Bítinu á Bylgjunni appið Skreppa sem á að halda sjálfvirkt utan um akstur á einkabíl og einfalda skil á akstursdagbók til vinnuveitanda. 

Brynjólfur Gauti Guðrúnar Jónsson, tölfræðingur og doktorsnemi í stærðfræði, hefur sett á laggirnar vefinn ESB-vaktin til að rýna fullyrðingar í umræðunni um Evrópusambandið. Í Bítinu á Bylgjunni í morgun greindi hann frá því að vefurinn byggði á sjálfvirkri textavinnslu, gervigreind og gagnagrunni sem hann heldur sjálfur úti.

Ungmennaþing verður haldið í Grindavík á morgun, laugardag, 21. mars, þar sem ungt fólk úr bænum fær tækifæri til að láta rödd sína heyrast um framtíð samfélagsins eftir þær miklu hamfarir og rask sem dunið hafa yfir síðustu misseri. 

Alþingi samþykkti í gær breytingar á reglum um skammtímaleigu íbúða sem ætlað er að bregðast við þrýstingi á húsnæðismarkaði. Með nýju lögunum verður þrengri rammi settur utan um útleigu í gegnum fyrirkomulag á borð við Airbnb, meðal annars með því að fækka þeim íbúðum sem einstaklingar geta leigt út í þéttbýli.

Þorgerður Katrín Gunnarsdóttir utanríkisráðherra segir að samningaviðræður við Evrópusambandið gætu tekið um eitt og hálft ár ef þjóðin segir já í ágúst við því að halda viðræðum áfram. Þetta kom fram í beinni línu í Reykjavík síðdegis á Bylgjunni þar sem hlustendur spurðu hana út í kostnað, stjórnarskrá, evru, öryggismál og samband Íslands við Evrópu og Bandaríkin.

Íslendingar eru í öðru sæti yfir hamingjusömustu þjóðir heims samkvæmt nýjustu niðurstöðum alþjóðlegrar hamingjukönnunar. Þrátt fyrir það kann mörgum að þykja niðurstaðan stangast á við barlóm og kvein sem oft heyrast í opinberri umræðu hér á landi.

Hugtakið „breiðu bökin“ er gjarnan notað í opinberri umræðu þegar rætt er um hverjir eigi að bera þyngstu byrðarnar í efnahagslífinu. Að mati Ragnars Sigurðar Kristjánssonar, hagfræðings hjá Viðskiptaráði, benda nýleg gögn þó til þess að þar sé einkum átt við tekjuhæsta hluta þjóðarinnar. 

Tannverndarvikan stendur nú yfir og segir Hrönn Róbertsdóttir tannlæknir tilefni til að huga betur að daglegri munnhirðu. Hún segir miklu skipta að fólk velti fyrir sér hvort það geti bætt eigin tannhirðu. 

Guðmundur Fertram Sigurjónsson, stofnandi og stjórnandi Kerecis, vísar á bug þeim efasemdum sem komið hafa fram um að um 40 milljarðar króna muni skila sér í ríkissjóð í kjölfar kaupa Coloplast á Kerecis og hugverkarétti félagsins.

Magnús Árni Skjöld Magnússon formaður Evrópuhreyfingarinnar segir enga ástæðu til að fresta fyrirhugaðri þjóðaratkvæðagreiðslu um áframhaldandi aðildarviðræður Íslands við Evrópusambandið fram í október, líkt og Guðrún Hafsteinsdóttir formaður Sjálfstæðisflokksins hefur lagt til.

Umræða um aðild Íslands að Evrópusambandinu hefur harðnað að undanförnu og sitt sýnist hverjum. Nýjustu kannanir benda til þess að þjóðin sé klofin í afstöðu sinni og að mati Hjartar Guðmundssonar alþjóðastjórnmálafræðings einkennist umræðan um of af skotgröfum. 

Einkenni svokallaðs Long Covid geta verið afar fjölbreytt og haft áhrif á mörg líffærakerfi líkamans. Talið er að allt að eitt prósent þjóðarinnar glími við slík einkenni hér á landi, sem gæti þýtt að um fjögur þúsund Íslendingar búi við ástandið. 

Vikuuppgjör Máls málanna rýnir í stærstu mál vikunnar þar sem tilboð Símans í Sýn skók markaðinn, Icelandair náði sögulegu lágmarki og vinsæll áhrifavaldur fékk nóg af ástandinu á götum borgarinnar.

Áhrif átakanna Miðausturlöndum eru þegar farin að teygja sig langt út fyrir svæðið sjálft. Hernaðarsagnfræðingur segir að sérstaklega gæti áhrifanna í Asíu vegna mikilvægrar siglingaleiðar fyrir orku- og vöruflutninga.

Föstudagurinn þrettándi vekur gjarnan ugg hjá fólki sem tengir daginn við óheppni. Samkvæmt þjóðfræðingnum Símoni Jón Jóhannssyni á sú hugmynd þó rætur í gamalli hjátrú fremur en raunverulegum staðreyndum.

Diljá Mist Einarsdóttir, þingkona Sjálfstæðisflokksins og nefndarmaður í utanríkismálanefnd Alþingis, gagnrýnir harðlega ákvörðun íslenskra stjórnvalda um að taka þátt í málssókn Suður-Afríku gegn Ísrael fyrir Alþjóðadómstólnum í Haag. Hún segir enga greiningu hafa verið gerða á hagsmunum Íslands áður en ákvörðunin var tekin.

Vikuuppgjör Máls málanna fer yfir viðburðaríka viku þar sem stórpólitískar ákvarðanir, andlát áhrifamesta stjórnmálamanns þjóðarinnar og blóðug átök í Íran voru í brennidepli.

„Við erum áratugum of sein,“ segir heilbrigðisráðherra um stöðu innviða á sama tíma og læknar halda áfram að lýsa neyðarástandi á bráðamóttöku. Í vikuyfirliti hlaðvarpsins Máls málanna, sem er í umsjón Auðuns Georgs Ólafssonar, er rýnt í samhengi stærstu frétta vikunnar.

„Hún var gullverðlaunin í lífinu mínu,“ sagði norski skíðakappinn Sturla Holm Lægreid í einlægu og vandræðalegu viðtali sem fór hefur eins og eldur í sinu í vikunni. Í nýjasta þætti af hlaðvarpinu Máli málanna rýnir Auðun Georg Ólafsson í stærstu mál vikunnar sem voru til umræðu á Bylgjunni.

Misstir þú af því sem brann heitast á þjóðinni í vikunni? Það hafa ekki allir tíma til að setja sig inn í helstu fréttamálin á hverjum degi.

Spurningakeppni fjölmiðlanna hefst á skírdag.

Við þurfum öll að rækta og vernda geðheilsu okkar. Rétt eins og með líkamlega heilsu, þar sem öllum er ráðlagt að taka vítamín daglega, gerir margt smátt eitt stórt í geðrækt.

Þann 14. október munu Todmobile halda 35 ára afmælistónleika í Eldborgarsal Hörpu, þetta verður mikil nostalgía því ásamt Todmobile má nefna SinfóNord og 80´s stjörnurnar Midge Ure, Nik Kershaw og Tony Hadley sem var söngvari Spandau Ballet.

N1 leitar að skemmtilegum ferðasögum fyrir sumarið í samvinnu við Bylgjuna. Höfundar bestu sagnanna fá 50.000 kr. inneignarkort hjá N1 í verðlaun og hver veit, kannski lifnar sagan þín við með Bylgjunni og N1 og þú nýtur góðs af í allt sumar!

Gómsæt páskaveisla á Bylgjunni

Taktu þátt til að vinna hina fullkomnu valentínusargjöf fyrir þinn maka.

Bylgjan verður í beinni frá UT Messunni á laugardaginn

Bóndadagurinn er framundan og í tilefni þess gefur Bylgjan glæsilegan bóndadagspakka sem inniheldur:

Dagskráin á Bylgjunni um áramótin verður ekki af verri endanum! 

Alla föstudaga fram að jólum ætlar Icelandair að draga út 100 þúsund krónur í gjafabréfaleik Icelandair. Og svo hvorki meira né minna en 500 þúsund krónur á Þorláksmessu.

Bylgjan Órafmögnuð fer af stað 3. nóv!

Ævintýraeyjan Kúba í suðri hefur lengi heillað gesti sem þangað koma og vilja upplifa allt það sem eyjan hefur upp á að bjóða.

Tökur á tónlistar- og spjallþættinum Bylgjan órafmögnuð eru farnar af stað.

Helgin með Braga Guðmunds verður í beinni útsendingu frá Park Inn hotel í Reykjanesbæ á laugardaginn.

Bylgjan býður þér á magnaða fjölskylduhátíð í verslunarkjarnanum Mörkinni laugardaginn 3.september.

Bylgjan og Visitor ferðaskrifstofa gefa ferð fyrir 2 á ABBA sýninguna í London í október.

Bylgjulestin ásamt Nettó og Heklu verður um land allt á hverjum laugardegi í sumar með stútfullan bíl af Nóakroppi og Appelsín án sykurs.

Síðdegið á Bylgjunni verður í beinni útsendingu föstudaginn 10.júní frá Kvikunni menningarhúsi í Grindavík í tilefni af Sjóaranum Síkáta 10.-12. júní

Bylgjan í samstarfi við Úrval Útsýn ætla að gefa sólarlandaferð fyrir tvo!

Fermingaleikur Bylgjunnar!

Bylgjan kveður árið 2021 með stæl með stórskemmtilegri áramóta- og nýársdagskrá

Útsendingar Bylgjunnar ná til 99% íslensku þjóðarinnar og dreifikerfi okkar telur 56 senda sem og streymi á netinu sem margir nýta sér. 

Við elskum íslenska tónlist og tónlistarmenn.

Bylgjan trónir á toppnum í hlustendamælingum samkvæmt nýjustu könnun Gallup*. Bylgjan er með tæpa 33% markaðshlutdeild í aldursflokkunum 12-49 ára og 12-80 ára og er þar með langstærst.

Laugardaginn 28. ágúst 1986 fór útvarpsstöðin Bylgjan fyrst í loftið. Í tilefni af afmælinu verður haldið einstakt afmælispartý allan daginn á morgun í beinni útsendingu á Bylgjunni og í mynd á Vísi og á Stöð 2 Vísi.

Með tíu mínútna ástundun, einu sinni í viku, tekst meðlimum OsteoStrong að auka styrk sinn og jafnvægi hraðar en annars staðar án þess að svitna eða finna fyrir harðsperrum.

Heilsuvara vikunnar á Bylgjunni eru Women's Probiotic góðgerlar frá NOW

Íslandsbanki hf. var skráður á aðalmarkað Nasdaq Iceland í morgun við mikil fagnaðarlæti. Birna Einarsdóttir bankastjóri Íslandsbanka hringdi bjöllunni við hlið Magnúsar Harðarsonar forstjóra Kauphallarinnar.

Arnar Helgi Lárusson lamaðist í mótorhjólaslysi fyrir tæpum tuttugu árum en hjólar nú 400 kílómetra til að safna fyrir sérútbúnum hjólum fyrir hreyfihamlaða.

Þann 15. júní í ár eru 40 ár síðan hljómsveitin Duran Duran sendi frá sér sína fyrstu plötu, - þessa hvítu. 

Ný útgáfa af Bylgjuappinu var nýlega gefin út. 

Sigga og Grétar í Stjórninni kíktu í heimsókn á Bylgjunna og frumfluttu nýtt lag.

Bylgjan í samstarfi við Optical Studio gefa einum heppnum Bylgju-hlustanda sólgleraugu frá ítalska hátískuhúsinu GUCCI.

Nespresso og Bylgjan taka höndum saman og vekja athygli á endurvinnslu.

Kynntu þér hvaða íslenska tónlist er í spilun á Bylgjunni.

Sendu lagið þitt inn til spilunar á Bylgjunni. 

Hlustendaverðlaunin 2017 fóru fram í Háskólabíói þann 3. febrúar og voru þau í beinni útsendingu á Stöð 2 og Vísi.

Kristján Kristjánsson hefur verið ráðinn nýr umsjónarmaður útvarpsþáttarins Sprengisands á Bylgjunni. Kristján tekur við starfinu af Páli Magnússyni sem hætti störfum þar sem hann er í prófkjöri fyrir Sjálfstæðisflokkinn.

Bylgjan og Stöð 2 buðu til garðveislu og stórtónleika í Hljómskálagarðinum á Menningarnótt þann 20. ágúst 2016 en stöðvarnar fögnuðu báðar 30 ára afmæli.

Bylgjan fagnar í ár 30 ára afmæli sínu í ár og að því tilefni var ákveðið að taka hljóðver Bylgjunnar í gegn og bæta aðstöðu dagskrárgerðarmanna og gesta sem eiga leið um hljóðverið.