Karlotta sagði hlaupið brjóta sig niður á allan hátt, bæði líkamlega og andlega. Þrátt fyrir verki, blöðrur og erfiðan dag í gær sagðist hún staðráðin í að klára hlaupið, sama hversu löng vegalengdin yrði að lokum.
Fyrst Íslendinga
Hlaupið fer fram í almenningsgarði í Sófíu þar sem keppendur hlaupa 785 metra hring aftur og aftur í tíu sólarhringa. Karlotta sagði það sérstaka reynslu að taka þátt í slíku hlaupi, ekki síst þar sem hún væri fyrsti Íslendingurinn til að reyna við þessa vegalengd.
„Mér fannst líka áhugavert að verða fyrsti Íslendingurinn til þess að taka þátt í tíu daga hlaupi og setja loksins Íslandsmet í tíu daga hlaupi.“
Áður hafði hún meðal annars lokið sex daga hlaupi í ágúst í fyrra, þar sem hún fór 534 kílómetra og setti Íslandsmet í þeirri grein.
Verkir, blöðrur og svefnlaus nótt
Karlotta sagði daginn í gær hafa verið sérstaklega erfiðan. Hún hefði fengið mikla verki í hnén, verið komin með fjölda blaðra á fæturna og lítið getað sofið.
Að hennar sögn var hún komin í inniskó og hafði fengið aðstoð sjúkraþjálfara, en lýsti því að hún væri nú bæði þreytt og illa haldin eftir álagið. Hún sagði þó að í svona hlaupi færi líkaminn oft langt á undan hausnum.
Hljóp of hratt
Karlotta sagði einn helsta lærdóminn úr hlaupinu vera að hún hefði farið of geyst af stað fyrstu dagana. Hún hefði ætlað sér að hlaupa mikið, sofa lítið og safna sem mestum kílómetrum strax, en það hefði komið niður á henni síðar.
Að hennar sögn væri rétta leiðin í svona langhlaupi frekar að hugsa um endurheimt, næringu og að halda út allan tímann, fremur en að reyna að sækja of hart í byrjun.
Ætlar að klára sama hvað
Í viðtalinu kom fram að lágmarksvegalengd á dag sé rúmlega maraþon, eða um 46 kílómetrar. Karlotta sagði hún hefði áður sett sér markmið um að ná 800 kílómetrum, en væri nú farin að horfa öðruvísi á verkefnið.
„Ég mun alltaf klára.“
Hún sagði það í raun skipta minna máli hvort lokatalan yrði 700, 800 eða 900 kílómetrar. Mikilvægast væri að ljúka hlaupinu, og sama hvaða vegalengd hún næði yrði það nýtt Íslandsmet.
Hlaupið lýkur að morgni 11. maí.
