Reykjavík síðdegis

Veitingamenn berjast í bökkum

Segir milljarða sem fara í forvarnarstarf gegn fíkniefnum og refsistefnu ekki virka

Landhelgisgæslan fagnar 100 ára afmæli í skugga eftirlits með Bandero

Hver er staðan í Venesúela núna eftir öfluga jarðskjálfta?

Símatími

Segir 19. aldar drápsaðferðir á hvölum brjóta lög um velferð dýra 

Hvaða fyrirtæki í matvælaiðnaði eru að standa sig að halda verðlagi niðri?

Erna Hrönn

Fréttir

Hádegisfréttir Bylgjunnar 1. júlí 2026

Ívar Guðmundsson

Spólaðu til baka er nýja lagið sem Steinunn Jóns kom með

Dagmar Öder og lagið Beautiful life

Bítið

8000 manns mæta á N1 mótið á Akureyri

Gott að miðaldra karlmenn geti átt þetta samtal líka

Álagning hefur hækkað um 20% þrátt fyrir kílómetragjald

Erum betri en Evrópa í sjávarútvegi

Umræðan um Messi og Ronaldo er barnaleg

Bítið - Allur þátturinn

„Íslendingar geta lært mikið af frændum sínum Færeyingum“

Heilsuvara vikunnar á Bylgjunni er safaríkur skammtur af íslenskri papriku.

Útivistarverslun vikunnar á Bylgjunni er Ellingsen.

Nespresso og Bylgjan kynna The Weeknd. Stokkhólmur. Tveir miðar, og 100 þúsund króna gjafabréf frá Icelandair!

Kristín María Birgisdóttir, Grindvíkingur og fyrirtækjaeigandi, segir að nú þegar búið sé að verja Grindavík með umfangsmiklum varnargörðum og öðrum mótvægisaðgerðum verði næsta skref að vera að byggja samfélagið upp aftur. Í Bítinu á Bylgjunni sagði hún mikla óvissu ríkja meðal íbúa um hvað stjórnvöld vilji raunverulega að gerist næst.

Trausti Hjálmarsson, formaður Bændasamtakanna, segir umræðuna um matarverð á Íslandi verða villandi ef ekki er skýrt hvað sé verið að bera saman. Í Bítinu á Bylgjunni sagði hann að hægt væri að færa rök fyrir ýmsu í þessari umræðu, en að hans mati yrði að horfa á stærri myndina: há laun, mikinn kaupmátt og hátt vöruverð almennt á Íslandi.

Veðurblíðan sem nú ríkir víða um landið mun án efa leiða marga að grillinu um helgina. Slökkviliðsstjóri Brunavarna Árnessýslu segir þó mikilvægt að fólk hugi vel að öryggi áður en kveikt er upp, enda geti kæruleysi við grillnotkun haft alvarlegar afleiðingar.

Þorvaldur Flemming Jensen, fréttaritari Bylgjunnar í Danmörku, segir það afar súrt fyrir Dani að sitja heima á meðan Svíar og Norðmenn eru á HM í fótbolta karla. Hann sagði í Bítinu að danska landsliðið hefði klúðrað sínum möguleikum á að komast á mótið og að það eitt sem gæti gert Dani enn súrari væri ef Íslendingar væru líka með í lokakeppninni.

Tilkynningum um netbrot hefur fjölgað gríðarlega á undanförnum árum og tjón vegna svika nemur nú þegar hundruðum milljóna króna á þessu ári. Lögregla segir glæpamenn nýta sér íslensk símanúmer til að auka trúverðugleika sinn og hvetur almenning til að sýna aukna varúð gagnvart símtölum, skilaboðum og tölvupóstum.

Sigurdís Haraldsdóttir krabbameinslæknir og prófessor við læknadeild Háskóla Íslands segir nýjar niðurstöður um lyfið daraxonrasib marka stærstu tíðindi í meðferð briskrabbameins í um 15 ár. Niðurstöðurnar voru kynntar á stærstu krabbameinsráðstefnu heims, ASCO-ráðstefnunni í Chicago, þar sem þúsundir sérfræðinga risu úr sætum sínum og fögnuðu með lófataki.

Sveinn Kristinn Ögmundsson og Halla Árnadóttir, foreldrar kylfingsins Gunnlaugs Árna, lýstu því í Bítinu á Bylgjunni sem ólýsanlegri tilfinningu að sjá son sinn tryggja sér sæti á risamótinu US Open. Gunnlaugur Árni er aðeins tvítugur og fyrstur íslenskra karla til að komast inn á mótið.

Veðurfræðingar fylgjast nú grannt með þróun svokallaðs Súper El Niño í Kyrrahafinu, sem getur haft víðtæk áhrif á veðurfar víða um heim. Einar Sveinbjörnsson veðurfræðingur segir þó litlar líkur á að fyrirbærið hafi afgerandi áhrif á veður á Íslandi, þótt það geti stuðlað að auknum veðuröfgum á heimsvísu.

Vilhjálmur Birgisson, formaður Starfsgreinasambandsins og Verkalýðsfélags Akraness, segir ákvörðun Elkem á Grundartanga um að stöðva framleiðslu í einum af þremur ofnum yfir sumarið mjög alvarlegt áhyggjuefni. Hann sagði í Bítinu á Bylgjunni að þetta hefði legið í loftinu um tíma, en að ákvörðunin væri engu að síður þungt högg fyrir starfsfólk, atvinnulíf og ekki síst ungt fólk sem hefði reitt sig á sumarvinnu hjá fyrirtækinu.

Grímur Grímsson, þingmaður Viðreisnar, segir frumvarp um brottfararstöð fyrst og fremst snúast um að búa til mannúðlegra úrræði en þau sem nú eru fyrir hendi þegar flytja þarf fólk úr landi eftir að mál þess hafa verið til lykta leidd. Að hans sögn er verið að tala um lokaúrræði sem aðeins eigi að beita þegar önnur og vægari úrræði hafa ekki dugað.

Sífellt fleiri Íslendingar leggja bílnum og velja þess í stað rafhjól til að komast um náttúruna. Samhliða þessari þróun hefur umfangsmikil uppbygging hjólastíga átt sér stað víða um land, meðal annars í Reykjadal við Hveragerði og í Mosfellsbæ.

Mikill óhugur greip um sig meðal knattspyrnuáhugamanna um helgina þegar danski landsliðsmaðurinn Christian Eriksen hneig skyndilega til jarðar í leik. Þetta er í annað sinn á fáum árum sem Eriksen lendir í alvarlegu hjartatengdu atviki á knattspyrnuvelli og segir yfirlæknir á hjartadeild Landspítalans að ekki sé ósennilegt að honum verði nú ráðlagt að leggja skóna á hilluna.

Þungt hljóð er hjá íbúum á sunnanverðum Vestfjörðum eftir að Breiðafjarðarferjan Baldur var tekin úr siglingum fyrir vestan og send tímabundið til Vestmannaeyja. Barði Sæmundsson, íbúi á Patreksfirði, sagði, í samtali við Bítið í morgun, ákvörðunina hafa komið mjög illa við bæði íbúa og atvinnulíf á svæðinu.

Guðmundur Felix Grétarsson, sem margir þekkja sem „handlangarann“, segir lífið hafa breyst gríðarlega eftir handaígræðsluna í Frakklandi. Hann ræddi stöðuna á handleggjunum og lífinu í Bítinu á Bylgjunni og sagði meðal annars frá því að hann hefði nýlega eignast nýtt afabarn, en jafnframt að hann væri farinn að sjá nýjar framfarir í höndunum þrátt fyrir að fimm ár séu liðin frá aðgerðinni.

Umferðaröryggissérfræðingur vill róttæka endurskoðun á vegagerð: Steypti vegurinn í Kollafirði gæti enst í hálfa öld til viðbótar

Hópur sem vinnur að kvikmynd um ævi þjóðskáldsins Jónasar Hallgrímssonar hefur óskað eftir leyfi til að taka sýni úr þeim beinaleifum sem hvíla í þjóðargrafreitnum á Þingvöllum og eru taldar vera af Jónasi. Markmiðið er að skera úr um hvort þar hvíli í raun þjóðskáldið eða annar einstaklingur.

Fjölmiðlakonan Elín Hirst segir hópinn sem stendur að gerð nýrrar heimildarmyndar um Jónas Hallgrímsson vilja eyða óvissunni sem fylgt hefur beinum skáldsins í áratugi. Í Bítinu á Bylgjunni sagði hún að unnið væri að þriggja þátta heimildarmynd um ævi og störf Jónasar, en samhliða þeirri vinnu hafi vaknað vilji til að staðfesta með vísindalegum hætti að beinin á Þingvöllum séu sannarlega hans.

Pétur Marteinsson, oddviti Samfylkingarinnar í Reykjavík, segir nýjan meirihluta í borginni taka við stórum og viðamiklum verkefnum, en hann telur jafnframt að sum fyrstu málin sem lögð verða fram beri skýr pólitísk skilaboð. Það eigi ekki síst við um fyrirhugaðar breytingar á fánareglum Reykjavíkurborgar.

Guðrún Hafsteinsdóttir, formaður Sjálfstæðisflokksins, segir nýjan meirihluta Sjálfstæðisflokks, Framsóknar og Viðreisnar í Reykjavík marka skýr tímamót og að íbúar borgarinnar muni finna fyrir breytingum fljótt. Hún sagði í Bítinu á Bylgjunni að nýir valdhafar væru komnir til starfa eftir nær þrjátíu ára stjórn vinstri flokka í borginni.

Sara Hlín Sigurðardóttir, flugstjóri hjá Icelandair, segir kröfur flugmanna ekki snúast um laun heldur hvíld, öryggi og fyrirsjáanleika. Hún segir vinnuálagið orðið nánast óbærilegt og að flugmenn hafi stigið niður fæti gagnvart því að selja frídaga sína til félagsins.

Formaður stjórnskipunar- og eftirlitsnefndar Alþingis segir enn skorta skýr svör um hvað taki við ef þjóðin samþykkir eða hafnar því að hefja á ný aðildarviðræður Íslands við Evrópusambandið í þjóðaratkvæðagreiðslu sem fram fer 29. ágúst. Nefndin hefur sent forsætisráðuneytinu og utanríkisráðuneytinu formlegar spurningar um framhaldið.

Gísli Rafn Ólafsson, ráðgjafi á sviði gervigreindar og höfundur bókarinnar The AI Fluent Leader, segir stærstu hættuna ekki felast í því að gervigreind taki störf af fólki, heldur í því að fyrirtæki, stofnanir og leiðtogar dragist aftur úr meðan aðrir læra hraðar og nýta tæknina betur. Það geti gerst hratt.

Daði Már Kristófersson fjármála- og efnahagsráðherra segir nýja skýrslu um íslensku krónuna leiða í ljós að hún hafi ekki staðið undir einni helstu klassísku röksemdinni fyrir sjálfstæðum gjaldmiðli: að sveigjanlegt gengi dempi áföll og auðveldi aðlögun hagkerfisins. Í Bítinu á Bylgjunni sagði hann niðurstöðuna afdráttarlausa að þessu leyti.

Steinunn Þórðardóttir, formaður Læknafélags Íslands, segir að læknar telji þörf á mun dýpri og þroskaðri umræðu um dánaraðstoð áður en tekin verði afstaða til jafn umfangsmikillar breytingar á íslensku heilbrigðiskerfi. Hún varar við því að reynsla annarra ríkja sýni að mörk dánaraðstoðar hafi víkkað verulega eftir að hún var lögleyfð.

Núna eru um það bil helmingi minni líkur á að hvert og eitt skráð þungt bifhjól komi við sögu í slysi í umferðinni en fyrir tíu árum. Þetta kom fram hjá Þorgerði F. Guðmundsdóttur, formanni Sniglanna, og Einari Magnúsi Magnússyni, sérfræðingi á öryggis- og fræðsludeild Samgöngustofu, í Bítinu á Bylgjunni. Þau byggðu þar á útreikningi sem Sniglarnir hafa unnið út frá fjölda skráðra þungra bifhjóla og slysa.

Elvar Þormar, eigandi hugbúnaðarhússins Reon, segir vefinn jaedanei.is hafa orðið til af mjög einfaldri ástæðu: hann vissi sjálfur ekki hvað hann ætti að kjósa í væntanlegri þjóðaratkvæðagreiðslu um aðildarviðræður við Evrópusambandið. Vefurinn er hugsaður sem gervigreindarknúinn upplýsingavefur þar sem fólk getur spurt spurninga á íslensku, ensku og pólsku og fengið svör byggð á gögnum frá báðum hliðum umræðunnar ásamt opinberum frumheimildum.

Mikið magn falsaðra lyfja er í umferð hér á landi og í skólpinu finnast alls kyns efni, allt frá ópíóðum til ketamíns. Þetta kom fram hjá Freyju Jónsdóttur, dósent við lyfjafræðideild Háskóla Íslands, og Adam Bauer, réttarefnafræðingi á Rannsóknastofu í lyfja- og eiturefnafræði við Háskóla Íslands og doktorsnema, í Bítinu á Bylgjunni.

Jón Steinar Gunnlaugsson, fyrrverandi hæstaréttardómari, segir marga Sjálfstæðismenn ævareiða eftir að nýr meirihluti Sjálfstæðisflokks, Viðreisnar og Framsóknarflokks var myndaður í Reykjavík. Hann segir niðurstöðu kosninganna hafa kallað á samstarf Sjálfstæðisflokks og Miðflokks.

Jón Ármann Steinsson bókaútgefandi segist hafa náð bata af fjórða stigs blöðruhálskirtilskrabbameini eftir að hafa farið eigin leiðir í meðferðinni og notað meðal annars lyfin Ivermectin og Mebendazol, sem hann segir erfitt að nálgast á Íslandi. Hann gagnrýnir íslensk heilbrigðisyfirvöld harðlega og telur að almenningur eigi að hafa greiðari aðgang að slíkum lyfjum.

Úkraínski sjónhverfingamaðurinn Petro Gurido heldur sýninguna The Illusionist í Hljómahöllinni í Reykjanesbæ 27. júní. Með honum í verkefninu er Einar Már hjá Taste of Iceland, sem kynntist honum á listamarkaði á Lækjartorgi og sá fljótt að þar færi listamaður með óvenjulega hæfileika.

Brynhildur Björnsdóttir dagskrárgerðarkona stendur á bak við útvarpsþættina Hold á Rás 1, þar sem hún veltir fyrir sér holdafari, megrunarmenningu, fitufordómum og nýjum læknisfræðilegum leiðum til þyngdarstjórnunar. Í Bítinu á Bylgjunni sagði hún eitt af því sem hún vildi gera með þáttunum vera að horfast beint í augu við orð sem margir forðast. „Feit, það heitir að vera feit,“ sagði hún.

Þetta hljómar næstum eins og titill á sakamálasögu en „Ráðgátan um rauðmagann“ er í raun nafn á verðlaunaðri sýningu Listasafns Íslands sem fjallar um eitt það viðkvæmasta sem listasöfn geta staðið frammi fyrir: fölsuð verk. Safnið fékk nýlega Safnaverðlaun Íslands fyrir sýninguna, þar sem gestum var gefið færi á að bera saman fölsuð verk og ófölsuð og sjá hvað skilur þar á milli.

Sólveig Anna Jónsdóttir, formaður Eflingar, segir stöðuna í efnahagsmálum mjög slæma eftir stýrivaxtahækkun Seðlabankans í gær. Í Bítinu á Bylgjunni sagði hún litla vonarglætu sjáanlega og að verkafólk, sérstaklega leigjendur og láglaunahópar, væru enn og aftur látnir bera byrðarnar.

Tryggvi Hjaltason, framkvæmdastjóri Andvara, sagði í Bítinu á Bylgjunni að staðan í íslensku menntakerfi væri orðin svo alvarleg að hún hefði ekki aðeins áhrif á börnin sjálf heldur einnig á framtíðartekjur og verðmætasköpun í landinu. Hann vísaði þar til greiningar sem Andvari hefur unnið upp úr PISA-gögnum og mati OECD.

Ásgeir Jónsson seðlabankastjóri segir verðbólgu enn of mikla og að peningastefnunefnd hafi ekki átt annan kost en að hækka stýrivexti. Hann segir að rjúfa þurfi hringekju launa- og verðhækkana til að hægt verði að hefja vaxtalækkunarferli.

Dagur B. Eggertsson, þingmaður Samfylkingarinnar og fyrrverandi borgarstjóri, segir upptöku evru geta gjörbreytt stöðu heimila og lítilla fyrirtækja á Íslandi. Hann segir vaxtamuninn á Íslandi og evrusvæðinu svo mikinn að um sé að ræða eitt stærsta kjaramál samtímans.

Óli Björn Kárason, fyrrverandi þingmaður Sjálfstæðisflokksins, segir skynsamlegt að reyna að mynda breiðan og sterkan meirihluta í Reykjavík með þátttöku fjögurra flokka. Hann gagnrýnir jafnframt ummæli Björns Inga Hrafnssonar um að Sjálfstæðismenn séu „hræddir við vókið“ og segir þau hafa torveldað mögulegar meirihlutaviðræður.

Seðlabankinn hækkaði stýrivexti í morgun úr 7,5 prósentum í 7,75 prósent. Að mati Jóns Bjarka Bentssonar, aðalhagfræðings Íslandsbanka, bendir það til þess að bankinn sjái bæði áfram mikla verðbólgu en líka skýrari merki um að hagkerfið sé farið að hægja á sér.

Bjartmar Leósson, sem gengur undir nafninu „hjólahvíslari“, segir skipulagðan vanda blasa við í Reykjavík þar sem sami hópurinn hafi árum saman stolið hjólum, verkfærum og öðrum verðmætum til að fjármagna fíkniefnakaup. Hann segir lögregluna undirmannaða og úrræðaleysið augljóst.

Björn Ingi Hrafnsson, Miðflokksmaður, segir kjósendur hafa kallað skýrt eftir breytingum í Reykjavík. Hann telur eðlilegast að Sjálfstæðisflokkurinn og Miðflokkurinn myndi meirihluta í borginni.

Vilhjálmur Birgisson, formaður Verkalýðsfélags Akraness og Starfsgreinasambandsins, segir vaxtahækkanir færa fé frá skuldsettum heimilum og fyrirtækjum yfir til fjármálafyrirtækja. Hann vill að Seðlabankinn fái heimild til að beita skyldusparnaði til að slá á einkaneyslu.

Það var líf í umræðunni í Bítinu á Bylgjunni í morgun þegar Bergþór Ólason, þingmaður Miðflokksins, og Ingvar Þóroddsson, þingmaður Viðreisnar, ræddu Evrópusambandið og fyrirhugaða þjóðaratkvæðagreiðslu í lok ágúst. Þeir voru sammála um eitt: málið verður eitt það stærsta í íslenskum stjórnmálum á næstu vikum. Þar fyrir utan var fátt sem sameinaði þá.

Páll Magnússon og Vigdís Hauksdóttir fóru yfir úrslit sveitarstjórnarkosninganna í Bítinu á Bylgjunni og voru sammála um að víða mætti lesa út úr niðurstöðunum ákall um breytingar, ekki síst í Reykjavík. Vigdís sagði úrslitin hafa verið Miðflokknum afar hagstæð og taldi ljóst að kjósendur í borginni hefðu sent skýr skilaboð. „Það urðu breytingar. Reykvíkingar kusu breytingar og það er bara mjög ánægjulegt,“ sagði hún.

Skoðanakannanir reyndust að þessu sinni nokkuð nærri úrslitum sveitarstjórnarkosninganna í Reykjavík, að sögn Þóru Ásgeirsdóttur, framkvæmdastjóra Maskínu. Í Bítinu á Bylgjunni sagði hún að síðasta könnun fyrirtækisins hefði verið að meðaltali aðeins einu prósentustigi frá endanlegri niðurstöðu.

Jón Ármann Steinsson bókaútgefandi segir að rannsókn og niðurstaða Geirfinnsmálsins hafi byggst á vísvitandi afvegaleiðingu og kerfisbundinni yfirhylmingu innan réttarkerfisins. Hann vinnur nú að sjónvarpsþáttaröð um málið og hyggst jafnframt opna stafrænan gagnabanka með tugþúsundum skjala tengdum rannsókninni.

Kosningarnar voru að sjálfsögðu fyrirferðarmiklar þegar þeir Jakob Bjarnar Grétarsson á Vísi og Stefán Einar Stefánsson á Morgunblaðinu og mbl.is fóru yfir fréttir vikunnar í Bítinu á Bylgjunni. 

Íbúar í Suðurhlíðum og nágrenni segja óþef og mengun frá líkbrennslu við Fossvogskirkjugarð enn valda þeim miklum ama. Soffía Ámundadóttir, íbúi í hverfinu, sagði í Bítinu á Bylgjunni að bráðabirgðaleyfi starfseminnar rynni út í ágúst og að nú yrði að koma til alvöru breytinga.

Það er óhætt að byrja að slá grasið í görðum landsmanna, að mati Bjarna Þórs Hannessonar, vallarstjóra hjá Golfklúbbi Mosfellsbæjar. Hann segir reglulegan slátt lykilinn að þéttari, grænni og fallegri grasfleti.

Í Dalabyggð fara fram óbundnar kosningar í sveitarstjórnarkosningunum þar sem enginn framboðslisti barst. Það þýðir að nánast allir kosningabærir íbúar sveitarfélagsins eru í kjöri.

Kjaradeila Icelandair og flugmanna heldur áfram að harðna og umræða um framtíð félagsins hefur færst upp á yfirborðið. Jón Karl Ólafsson, fyrrverandi forstjóri Icelandair, segir mikilvægt að rekstur félagsins raskist ekki á viðkvæmum tíma í alþjóðlegum flugrekstri og telur eðlilegt að stjórnendur skoði leiðir til að auka sveigjanleika í starfseminni.

Kappræðurnar fyrir borgarstjórnarkosningarnar á Sýn og Vísi í kvöld verða með öðru sniði en margir eiga að venjast. Sunna Sæmundsdóttir og Elísabet Inga Sigurðardóttir, fréttamenn hjá Sýn og Vísi, sögðu í Bítinu á Bylgjunni að markmiðið væri að fá skýrari svör frá oddvitunum og gera umræðuna aðgengilegri fyrir áhorfendur.

Staðan í stríðinu í Úkraínu er enn afar brothætt, en að sögn Erlings Erlingssonar hernaðarsagnfræðings hafa Úkraínumenn náð að stöðva vorsókn Rússa og valda þeim verulegu tjóni, bæði við víglínuna og djúpt inni í Rússlandi. Hann sagði í Bítinu á Bylgjunni að stríðið væri enn mulningsstríð þar sem hvorugur aðili næði afgerandi yfirhöndinni.

Hildur Björnsdóttir, oddviti Sjálfstæðisflokksins í Reykjavík, segir flokkinn ganga óbundinn til borgarstjórnarkosninga en gerir skýra grein fyrir því að samstarf við Samfylkinguna sé ekki fyrsti kostur.

Íslendingur varð um helgina Evrópumeistari í sjómanni á Evrópumeistaramóti sem fram fór í Búdapest. Haraldur Geir Hlöðversson bar sigur úr býtum bæði með hægri og vinstri hendi í flokki keppenda 70 ára og eldri.

Halldór Jörgen Olesen, ritstjóri Verðbólguvaktarinnar á vefnum verdbolga.net, fór yfir sex stærstu loforðin í aðdraganda kosninganna á laugardag í samtali við Bítið á Bylgjunni. 

Rúmenskur karlmaður sem búið hefur á Íslandi um árabil er grunaður um að hafa svikið um 160 milljónir króna út úr Arion banka með því að nýta sér misbrest í kerfi bankans, keypt sér bifreið fyrir hluta fjárins og flúið land með ferjunni Norrænu áður en hann var handtekinn í heimalandi sínu, Rúmeníu.

Samfélagsmiðlar geta skipt verulegu máli í aðdraganda borgarstjórnarkosninga, sérstaklega þegar kemur að því að ná til ungs fólks. Þetta sagði Sebastian Óli Guðmundsson, samfélagsmiðlafréttamaður hjá Ríkisútvarpinu, í Bítinu á Bylgjunni þar sem hann fór yfir hvernig flokkarnir í Reykjavík hafa staðið sig á TikTok.

Bandaríska varnarmálaráðuneytið hefur sett í loftið nýja undirsíðu helgaða fljúgandi furðuhlutum (UFO) þar sem birt eru skjöl, myndir og myndbönd af óútskýrðum fyrirbærum. Gunnar Dan, höfundur bókarinnar UFO101, sagði í Bítinu á Bylgjunni að um væri að ræða athyglisverða byrjun, þótt hann teldi gögnin enn langt frá því að vera endanleg sönnun um að geimverur væru hér á meðal vor. 

ÖBÍ réttindasamtök og aðstandendur barna á biðlistum vilja að biðlistar eftir lögbundinni þjónustu verði kosningamál í sveitarstjórnarkosningunum. Í Bítinu á Bylgjunni sögðu þær Alma Ýr Ingólfsdóttir, formaður ÖBÍ, og Stefanía Hulda Marteinsdóttir frá bidlisti.is að vandinn væri orðinn svo stór að fjölskyldur væru að bugast og kerfin aðeins að velta byrðunum sín á milli.

Nýjustu gögn benda til þess að laun á Íslandi séu orðin þau hæstu í Evrópu og að svigrúm til frekari hækkana sé ekki fyrir hendi, að mati Bjarna Benediktssonar, framkvæmdastjóra Samtaka atvinnulífsins. Í viðtali við Reykjavík síðdegis sagði hann meginverkefnið nú vera að verja þau lífskjör sem þegar hafa náðst, fremur en að sækja fram með enn hærri launum.

Karlotta Ósk Óskarsdóttir, ofurhlaupari og nýkrýndur Íslandsmeistari, tekur nú þátt í tíu daga langhlaupi í Búlgaríu. Þegar hún ræddi við Bítið á Bylgjunni í morgun var hún komin 563 kílómetra á áttunda degi hlaupsins.

Stefán Jón Hafstein, formaður stjórnar Ríkisútvarpsins, segir íslenska fjölmiðla vera í vörn gagnvart alþjóðlegri samkeppni og að stærsta ógnin komi síður innanlands en frá erlendum miðlum og tæknirisum. Hann var gestur í Bítinu á Bylgjunni í morgun, þar sem rætt var bæði um grein hans um stöðu íslenskra fjölmiðla og umræðu um óháða úttekt á fréttamennsku Ríkisútvarpsins.

Miklar umræður hafa skapast á samfélagsmiðlum eftir fréttir af smitum um borð í skemmtiferðaskipinu Hondius þar sem grunur leikur á að svokölluð Hantaveira hafi borist milli manna. Erna Milunka Kojic, yfirlæknir smitsjúkdómadeildar Landspítalans, segir málið alvarlegt en telur ekki ástæðu fyrir almenning á Íslandi til að óttast útbreidd smit hér á landi að svo stöddu.

Víðir Reynisson, formaður allsherjar- og menntamálanefndar Alþingis, tekur undir með lögreglu um að herða þurfi lög um brottvísanir útlendinga sem tengjast skipulagðri glæpastarfsemi. Hann segir mikilvægt að kærur til kærunefndar útlendingamála fresti ekki sjálfkrafa framkvæmd brottvísunar og að endurkomubann fylgi öllum slíkum ákvörðunum.

Það er ekki nýtt að fólk með mikla reynslu upplifi að það komist ekki einu sinni í atvinnuviðtal, að sögn Thelmu Kristínar Kvaran hjá Intellecta sem starfar sem ráðgjafi í ráðningum stjórnenda og sérfræðinga. Hún segir þó ekki augljóst að aldur skýri slíkt eingöngu, heldur sé samkeppnin á vinnumarkaði nú mjög hörð og margir hæfir umsækjendur um hvert starf.

Mikill aldursmunur þarf ekki að þýða að parsamband sé dæmt til að mistakast, en hann getur skapað sérstakar áskoranir. Þetta sagði Theodór Francis Birgisson hjá Lausninni í Bítinu á Bylgjunni í morgun, þar sem rætt var um sambönd og aldur.

Gervigreind er þegar farin að hafa áhrif á störf íslenskra blaðamanna, en hefur þó ekki tekið við hlutverki þeirra. Þetta er meðal niðurstaðna í BA-ritgerð Sveins Brimars Jónssonar í fjölmiðlafræði við Háskólann á Akureyri, þar sem hann skoðaði áhrif og breytingar á íslenskum fjölmiðlum á tímum gervigreindar.

Pétur Marteinsson, oddviti Samfylkingarinnar í Reykjavík, segir að gömlu hverfi borgarinnar hafi að einhverju leyti setið á hakanum á sama tíma og mikil uppbygging hafi átt sér stað annars staðar. Hann segir Laugardalinn vera í forgangi en varar við einföldum loforðum um að nýtt íþróttahús rísi þar á skömmum tíma.

Sigmundur Davíð Gunnlaugsson, formaður Miðflokksins, segir gögn sem lögð hafa verið fyrir utanríkismálanefnd sýna að undirbúningur að nýju aðildarferli Íslands að Evrópusambandinu hafi hafist áður en Alþingi kom saman eftir kosningar. Hann gagnrýnir harðlega það sem hann kallar skort á gagnsæi og segir þingmenn ekki fá fullnægjandi upplýsingar um samskipti íslenskra stjórnvalda við Evrópusambandið.

Golfferðir Íslendinga erlendis eru orðnar stór hluti af golfhreyfingunni og skapa árlega milljarða í veltu, að sögn Huldu Bjarnadóttur, forseta Golfsambands Íslands. Hún sagði í Reykjavík síðdegis á Bylgjunni að um átta þúsund Íslendingar færu árlega í slíkar ferðir og að vinsældir þeirra færu vaxandi.

Gagnaversiðnaður gæti orðið ein verðmætasta atvinnugrein landsins ef rétt er á málum haldið, að mati Bergþóru Halldórsdóttur, yfirlögfræðings Borealis Data Center. Í Bítinu á Bylgjunni sagði hún Ísland búa yfir afar hagstæðum aðstæðum fyrir gagnaver, en að landið hefði þó ekki nýtt tækifærin jafn hratt og önnur Norðurlönd.

Íslenska líftæknifyrirtækið Gleipnir lífssmiðja er að þróa byltingarkennda tækni sem gæti hraðað þróun nýrrar kynslóðar lyfja gegn sjúkdómum sem hingað til hafa þótt ólæknandi. 

Inga Sæland menntamálaráðherra og Jón Pétur Zimsen þingmaður segja stöðu íslenskra grunnskólanema grafalvarlega. Þau eru sammála um að grípa þurfi hratt inn í vegna versnandi lesskilnings, lakari námsárangurs og mögulegra langtímaáhrifa á efnahag og lýðræði.

Gunnar Gíslason, sem er með MBA-gráðu og víðtæka stjórnunarreynslu, segir lítið hafa þokast í atvinnuleit sinni þrátt fyrir að hafa sótt um um fimmtíu störf frá því hann missti vinnuna í janúar 2024. Í Reykjavík síðdegis á Bylgjunni sagðist hann sjaldnast komast í starfsviðtal og velti því fyrir sér hvort aldur, reynsla eða menntun gætu verið að vinna gegn sér.

Það vantar ljósmæður á Íslandi að sögn Unnar Berglindar Friðriksdóttur, formanns Ljósmæðrafélags Íslands, en hún segir vandann ekki síst felast í því að mönnunarviðmið séu löngu úrelt. Í Bítinu á Bylgjunni í morgun, á alþjóðlegum degi ljósmæðra, sagði hún starfsemina hafa breyst mikið á undanförnum árum án þess að viðmið hafi fylgt með.

FIFA hefur að mati Stefáns Pálssonar sagnfræðings og Vals Páls Eiríkssonar íþróttasiðfræðings þróast úr fátæku alþjóðasambandi í gríðarlegt peningaveldi þar sem heimsmeistaramótið er helsta mjólkurkúin. Í Bítinu á Bylgjunni sögðu þeir þróunina hafa leitt til sífellt hærra miðaverðs, meiri græðgi og þess að sífellt þrengri hópur ríkja geti haldið stórmót.

Ari Edwald, oddviti Miðflokksins í Reykjavík, segir skipulagsmál borgarinnar í ólestri og að endurskoða þurfi Borgarlínu og þéttingarstefnu frá grunni. Hann hafnar ásökunum um kvenfyrirlitningu og segir stjórnsýslukostnað Reykjavíkurborgar kalla á niðurskurð.

Diljá Mist Einarsdóttir, þingkona Sjálfstæðisflokksins, sakar meirihluta utanríkismálanefndar um að koma í veg fyrir að óskað verði eftir upplýsingum frá Evrópusambandinu um samskipti við íslensk stjórnvöld. Pawel Bartoszek, formaður nefndarinnar, segir slíka beiðni óhefðbundna og vandræðalega í alþjóðasamskiptum.

Flutningar á fyrstu vindmyllunni í Vaðölduver hefjast aðfararnótt 7. maí og verða meðal umfangsmestu þungaflutninga sem ráðist hefur verið í hér á landi. Sigurgeir Björn Geirsson, yfirverkefnastjóri Vaðölduvers, sagði í Reykjavík síðdegis að fram undan væru vikur þar sem fluttir yrðu yfir þrjú hundruð stakir hlutar frá Þorlákshöfn upp í Vaðöldu.

Vilhjálmur Birgisson, formaður Starfsgreinasambandsins, hafnar því að verkalýðsfélögin hafi lokið hlutverki sínu. Í Bítinu á Bylgjunni í morgun sagði hann ummæli framkvæmdastjóra Viðskiptaráðs um að félögin væru tímaskekkja sýna lítinn skilning á raunverulegum vanda launafólks og þeirri stöðu sem komi upp þegar brotið er á réttindum þess.

Guðni Ágústsson, fyrrverandi landbúnaðarráðherra, og Ólafur Stephensen, framkvæmdastjóri Félags atvinnurekenda, tókust hart á um innflutning á lambakjöti í Reykjavík síðdegis á Bylgjunni. Guðni segir enga ástæðu til að flytja lambakjöt til Íslands en Ólafur segir sjálfsagt að neytendur hafi val.

Halldór Jörgen Olesen vill opna umræðu um stórhuga framtíðarskipulag í Reykjavík. Hugmynd hans gengur út á 427 hektara landfyllingu í Skerjafirði, þar sem gæti risið nýtt hverfi fyrir allt að 37 þúsund íbúðum, með skólum, Borgarlínu, smábátahöfn og náttúrusvæðum.

Linda Karen Gunnarsdóttir, formaður Dýraverndarsambands Íslands, og Ragna Þorsteinsdóttir, ritari Villikatta, sögðu í Bítinu á Bylgjunni að nýleg mál þar sem hundur og köttur eru talin hafa verið eitruð með matarbita væru gróft og kvalafullt dýraníð. Þær sögðu atvikin hafa vakið mikinn óhug og kölluðu eftir harðari viðbrögðum við svona brotum.

Lukka Pálsdóttir hjá Greenfit segir kreatín eitt mest rannsakaða fæðubótarefni heims og ekki hafa verið sýnt fram á skaðsemi við almenna notkun. Hún segir efnið þó ekki vera neina töfralausn og að ávinningurinn ráðist meðal annars af því hvort fólk láti líkamann og heilann hafa eitthvað fyrir stafni.

Snorri Másson, þingmaður Miðflokksins, segir mál tveggja kvenna sem hafa búið á Íslandi í áratugi sýna að eitthvað sé „afskaplega skrítið“ við framkvæmd ríkisborgararéttar. Hann vill endurskoða ferlið hjá Alþingi og Útlendingastofnun en jafnframt herða almenn skilyrði fyrir veitingu ríkisborgararéttar.

Sigga Foss, sem er norsk að uppruna en hefur búið á Íslandi í tæp 49 ár, segir það bæði undarlegt og niðurlægjandi að hafa enn ekki fengið íslenskan ríkisborgararétt. Hún sagði í Bítinu á Bylgjunni að hún hefði lagt fram ýmis gögn til að sanna dvöl sína hér á landi, en að síðast hefðu viðskipti hennar í Bónus verið notuð til að reyna að staðfesta búsetuna.

Spár um að gervigreind færi að gegna lykilhlutverki í netárásum og veikleikagreiningu eru farnar að rætast, að sögn Guðmundar Arnars Sigmundssonar, netöryggis- og gagnaþróunarstjóra Advania á Íslandi. Hann segir ný verkfæri geta flýtt netárásum verulega, en á sama tíma opni þau líka ný tækifæri til að finna veikleika og styrkja varnir.

Arnar Pétursson, margfaldur Íslandsmeistari í hlaupum, segir Lundúnamaraþonið um helgina hafa verið einn magnaðasta dag í sögu maraþonhlaupa. Keníumaðurinn Sabastian Sawe varð þar fyrstur manna til að hlaupa maraþon á undir tveimur klukkustundum í löglegu keppnishlaupi þegar hann kom í mark á 1:59:30. Eþíópíumaðurinn Yomif Kejelcha varð annar á 1:59:41, einnig á undir tveimur klukkustundum.

Einar Þorsteinsson, oddviti Framsóknarflokksins í Reykjavík, segir rekstur borgarinnar valda „gríðarlegum vonbrigðum“ og telur að nýr meirihluti verði að setja aðhald í rekstri í forgang eftir kosningar. Hann útilokar samstarf við Samfylkinguna að þeim loknum og segir flokkinn vera „hluta af vandamálinu“.

Samgöngumál verða í forgrunni í sveitarstjórnarkosningunum á höfuðborgarsvæðinu. Konráð S. Guðjónsson hagfræðingur segir tafir í umferð ekki aðeins pirrandi heldur líka dýrar. Hann áætlar að heildarkostnaður vegna umferðarteppa geti numið um 150 þúsund krónum á mánuði fyrir hverja fjölskyldu þegar bæði er horft til heimila og atvinnulífs.

Frumvarp um jöfnun dreifingarkostnaðar raforku gæti markað tímamót fyrir heimili og fyrirtæki í dreifbýli. Ráðherra segir breytingarnar bæta rekstrarskilyrði verulega og jafna stöðu landsmanna óháð búsetu.

Þótt sumarið sé formlega gengið í garð bendir veðurspáin ekki til neins verulegs vorbakslags á næstu dögum. Einar Sveinbjörnsson veðurfræðingur segir kaldari loftmassa vissulega á leiðinni í næstu viku, en að kuldakastið verði fremur vægt og snúi einkum að heiðum vestanlands.

Sigríður Ósk Hrafnkelsdóttir, sem notar listamannsnafnið Sigga Ózk, var um helgina krýnd Ungfrú Ísland. Hún segir titilinn munu breyta miklu, þó hann breyti henni ekki sem manneskju, en keppnishaldari segir hana hafa skarað fram úr bæði á sviði og í dómaraviðtali.

Fjártæknifyrirtækið Aurbjörg hefur sett í loftið nýtt tól sem á að hjálpa fólki að átta sig betur á lífeyrismálum og því hvenær það geti hætt að vinna. Tólið er sagt taka mið af íslenskum skattareglum, lífeyrissjóðum, séreignarsparnaði og greiðslum frá Tryggingastofnun með það að markmiði að sýna hvernig megi fá sem mest út úr lífeyrissparnaði eftir starfslok.

Nýjar skýrslur Veðurstofu Íslands um langtímahættumat vegna hraunvár á höfuðborgarsvæðinu og Reykjanesskaga hafa vakið töluverða athygli. Þar eru Grindavík og Hveragerði meðal þeirra staða sem talin eru berskjaldaðastir ef til eldgosa kemur. Bæjarstjórar beggja sveitarfélaga segja þó að niðurstöðurnar veki ekki ótta heldur styðji við markvissari viðbrögð og áframhaldandi uppbyggingu.

Margir eru þessa dagana að opna grillið eftir vetrardvalann, en Óskar Finnsson, veitingamaður og matreiðslumaður, segir mikilvægt að byrja á góðri hreinsun áður en fyrsta steikin fer á teinana. Hann segir nóg að fá hlýja daga til að óboðnir gestir fari að gera sig heimakomna í grillinu.

Guðmundur Kristjánsson, oft kallaður Guðmundur í Brimi, hafnar því að stórútgerðin hafi komið sínum mönnum fyrir í stjórnkerfinu til að gæta hagsmuna sinna. Hann segir slíkan málflutning ekki boðlegan og gagnrýnir jafnframt harðlega ummæli formanns Landssambands smábátaeigenda, sem dró upp dökka mynd af stöðu smábátaeigenda í viðtali í Bítinu í gær.

Bylgjan

Hurts So Good

Siggi Hlö stjórnar einum vinsælasta útvarpsþætti landsins. Aðalsmerki þáttarins er tónlist frá níunda áratug síðustu aldar. Eitís.

Veistu hver ég var?

Stærstu mál dagsins eru tekin fyrir í Reykjavík síðdegis á Bylgjunni

Svavar Örn og Júlíana Sara sjá um Bakaríið á Bylgjunni á laugardagsmorgnum. Þau fara yfir málefni líðandi stunda á léttan máta og fá til sín góða gesti.

Bakaríið

Heimir Karlsson, Lilja Katrín og Ómar Úlfur vakna eldsnemma með hlustendum Bylgjunnar alla virka morgna. Fylgstu með fréttum og taktu púlsinn á þjóðmálunum, færðinni, veðrinu og íþróttunum strax í bítið.

Vönduð og skelegg umræða um landsmál og pólitík á Bylgjunni.

Sprengisandur

Ívar Guðmundsson er á Bylgjunni alla virka daga

Skemmtilegir sunnudagar með Hvata. Alla sunnudaga milli 12:20 og 16:00

Helgin með Hvata

Júlíkvöld

I´m Out And I Wanna Go Home

Inn í síðustu nóttina

Svona var lífið

Tears

1800 mílur

Flýttu þér hægt

Hringd'í mömmu

Hvað gera fjöllin?

Fever Dream

Cha Cha Cha

Kúrekinn (Ég trúi á lýgina)

The Art OF Letting Go

Allt eða ekkert

Mr. Know It All

Risk It All

Á tónaflóði

Younger You

Okkar lag

Endalaust sumar

Bylgjulistinn

Töluvert af öryggisráðstöfunum verða gerðar á Vestfjörðum vegna almyrkvans þann 12. ágúst næstkomandi. Til að mynda verður veginum um Bolafjall lokað og fari of margir í átt að Látrabjargi verður veginum lokað.

Bylgjulestin lét sig ekki vanta á opnunarhelgi bæjar- og tónlistarhátíðarinnar Hjarta Hafnarfjarðar á laugardaginn.  Gulli Helga og Jón Axel stýrðu lestinni og fengu til sín góða gesti.

Ásgeir Erlendsson upplýsingafulltrúi Landhelgisgæslunnar segir gæsluna undirbúna undir allar sviðsmyndir vegna veru skips aðgerðarsinnans Paul Watsons í efnahagslögsögu Íslands. Hann segir undirbúning hafa staðið yfir síðan í maí, aðgerðir snúist fyrst og fremst um að tryggja öryggi allra sjófarenda, einnig þeirra sem um borð eru í Bandero, skipi Watson. Sjálfur þrætir Watson fyrir það að aðgerðir hans setji annað fólk í hættu.

Halla Tómasdóttir forseti Íslands segir margt hafa komið sér á óvart á þeim tveimur árum frá því að hún tók við embætti forseta en mest hafi komið henni á óvart hversu mikill kraftur er í þjóðinni. Hún segir nýtt verkefni, Heimahöfn, eiga að skapa farveg til að eiga samtal um framtíð þjóðarinnar á miklum umbrotatímum. Hún telur þörf á að efla hlustun og minnka skautun í samfélaginu.

Páll Magnússon stýrir Sprengisandi í dag og það er af nægu að taka. Fyrst mæta Heiðrún Lind Marteinsdóttir, framkvæmdastjóri SFS, og Jóhann Helgi Stefánsson, framkvæmdastjóri Landssambands veiðifélaga. 

Bylgjulestin verður á opnunarhelgi bæjar- og tónlistarhátíðarinnar Hjarta Hafnarfjarðar á morgun laugardag en hátíðin hófst formlega í gær fimmtudag. Bylgjulestin verður í beinni útsendingu á laugardag milli kl. 12 og 16 og að þessu sinni eru lestarstjórarnir engir aðrir en tvíeykið góðkunna Gulli Helga og Jón Axel sem fá góða gesti í heimsókn.

Bjarni Benediktsson, framkvæmdastjóri Samtaka atvinnulífsins, segir nauðsynlegt að það náist sátt á vinnumarkaði um launasvigrúm og launaskrið. Hann sé bjartsýnn fyrir haustinu þó svo að útlit sé fyrir að verðbólga verði hærri en forsenduákvæði kjarasamninga geri ráð fyrir og þeir geti því losnað. Hann segir það áhyggjuefni að það taki  ekki allir stöðunni með sömu alvöru. 

Eiður Smári Guðjohn­sen, einn allra besti knatt­spyrnu­maður Ís­lands frá upp­hafi, hefur komið inn af fítons­krafti í um­fjöllun RÚV um HM í fót­bolta. Þar hefur kunnátta hans á leiknum fengið að njóta sín.

Guðný María Jóhannsdóttir, formaður umhverfis- og skipulagsráðs Reykjavíkur, segir þörf á gangstéttarviðgerðum í Reykjavík fyrir allt að tvo milljarða. Það séu aðeins þær gangstéttir sem verst farnar eru.

Umhverfis-, orku- og loftslagsráðherra segir sektarfjárhæðir við utanvegaakstri of lágar og endurspegli ekki alvarleika brotanna. Ekki sé ólíklegt að lagðar verði fram breytingar á ákvæðum náttúruverndarlaga á viðurlögum við slíkum brotum á næsta löggjafarþingi. 

Guðný María Jóhannsdóttir, formaður umhverfis- og skipulagsráðs Reykjavíkur, segir þurfa að finna Kaffistofu Samhjálpar nýjan stað þar sem meiri sátt er við nágrenni og samfélag. Þjónustan sé samfélagslega mikilvæg en við flutning hennar hefði mátt vinna málið betur.

Þjóðgarðsvörður segir tónleikahátíðina Bergmál hafa gengið nokkuð vel fyrir sig um helgina og grasflatirnar komi vel undan viðburði. Stór rýnifundur verði haldinn á morgun og svo rýni þjóðgarðsnefnd það í sumar og haust hvort tilefni sé til að halda fleiri viðburði í garðinum. 

Hildur Björnsdóttir borgarstjóri segir nýjan meirihluta vilja einfalda uppbyggingu skóla og leikskóla og segir verða að læra af uppbyggingu Brákarborgar. Hönnun nýs skóla í Vogahverfi sem samþykkt var fyrir kosningar, verði til dæmis aldrei að veruleika. Framkvæmdin sé of dýr. Nota eigi teikningar sem til eru og nýta betur samstarfi við einkaaðila við hagkvæma uppbyggingu. 

Einn stærsti viðburður ársins fór fram á Þingvöllum á laugardag þar sem tónlistarhátíðin Bergmál fór fram í fallegu veðri. Að sjálfsögðu var Bylgjulestin á staðnum og tók á móti góðum gestum í beinni útsendingu milli kl. 12 og 16.

Björg Eva Erlendsdóttir, framkvæmdastjóri Landverndar, segir óþolandi og óþarfi að erlendir ferðamenn séu staðnir að utanvegaakstri ár eftir ár. Hún segir þurfa að nýta heimildir til viðurlaga betur og það þurfi samstillt átak stjórnvalda og fyrirtækja í ferðaþjónustu um að gæta þess að allir sem heimsæki landið, innlendir og erlendir, gangi vel um það.

Eiríkur Bergmann stjórnmálafræðiprófessor segir afsögn Starmer hafa legið fyrir um helgina og hún sé ekki óvænt. Starmer hafi barist við atlögu Andy Burnham en eftir niðurstöður í aukakosningum í síðustu viku hafi niðurstaðan verið ljós. Eiríkur var til viðtals um afsögnina í Bítinu á Bylgjunni í morgun.

Páll Halldór Halldórsson, fjallamaður og meðlimur 4x4 Ferðaklubbnum, segir leiðsögumenn tala um að utanvegaakstur tveggja ferðamanna um helgina sé sá versti sem þeir hafi séð í 40 ár. Hann telur að herða þurfi viðurlög við utanvegaakstri.

„Við erum búin að vera í ESB núna í 30 ár,“ segir Baldur Pétursson, fyrrverandi aðstoðarframkvæmdastjóri hjá Endurreisnar- og þróunarbanka Evrópu. Baldur er eindreginn stuðningsmaður evrunnar. „EES-samningurinn er um það bil 75-80% aðgangur að ESB. Við höfum góða reynslu af 80% aðild að ESB, þannig að það er ekki nema 20% eftir,“ segir Baldur.

Hvað eiga bein Jónasar Hallgrímssonar, þýsk öfgaöfl, evran og Íransstríðið öll sameiginlegt? Sennilega ekki margt, nema það að málin verða öll tekin fyrir í Sprengisandi, sem verður á sínum stað klukkan 10 í dag.

Bergmál á Þingvöllum nær alla leið heim í stofu þar sem tónlistarhátíðinni verður útvarpað á Bylgjunni í dag. Hlusta má á útsendinguna í spilaranum hér að neðan en útsendingu lýkur klukkan 16:00 á Bylgjunni.

Hallór Kristinn Harðarsonar, betur þekktur sem Dóri K, hefur slegist í hóp útvarpsmanna FM957 og mun hann fara í fyrsta sinn í loftið klukkan 16:00 í dag, laugardaginn 20. júní, beint frá Akureyri. Það þekkja hann eflaust flestir Akureyringar en Dóri er tónlistarmaður, handboltamaður, viðburðarhaldari, athafnamaður og svo mætti lengi telja.

Næsti áfangastaður Bylgjulestarinnar verður Þingvellir en á morgun laugardag fer þar fram tónlistarhátíðin Bergmál þar sem Kaleo og fjöldi annara listamanna troða upp.

Magnús Þór Jónsson, formaður Kennarasambands Íslands, segir margt brýnna í skólakerfinu í dag en að setja reglur um símanotkun og að samtal nemenda og kennara um sitt umhverfi sé alltaf gáfulegra en miðstýrðar reglur sem geti skapað óþarfa vanda á milli þeirra. Samkvæmt reglugerð eigi að setja upp skápa en ekki liggi fyrir hver eigi að fylgjast með þeim eða hvort að barnið skili símanum þangað. 

Matthías Arngrímsson, flugstjóri og flugkennari, segir ríka ástæðu fyrir því að flugmenn séu vel launaðir. Þeir beri mikla ábyrgð, námið sé dýrt, lítið styrkt og álagið á þá verulegt.

Það var sannkölluð hátíðarstemning í Fjölskyldu- og húsdýragarðinum í Reykjavík þegar Bylgjulestin kom í heimsókn síðasta laugardag. Fjöldi gesta lagði leið sína í garðinn og lék veðrið við gesti allan daginn sem skapaði einstaka umgjörð fyrir viðburðinn.

Þorgeir Ástvalds tekur skemmtileg viðtöl við Íslendinga í öllum heimshornum. Þættirnir voru á dagskrá Bylgjunnar 2010.

Bylgjan

Núna

John Cougar Mellencamp

Næst

Bruno Mars

Jólagleði Þorgeirs

Nýjast

Jólagleði Þorgeirs – Elis Paulsen, Færeyjum

Jólagleði Þorgeirs – Guðni Ölvers, Noregi

Jólagleði Þorgeirs – Unnur Pétursdóttir, Kanada

Jólagleði Þorgeirs – Ragnheiður Þórisdóttir, Haítí

Jólagleði Þorgeirs – Marta Bartúsek, Póllandi

Jólagleði Þorgeirs – Guðrún Margrét Pálsdóttir, Indlandi

Jólagleði Þorgeirs – Guðmundur Valur Stefánsson, Mósambik

Jólagleði Þorgeirs – Einar Eyþórsson í Tromsö

Jólagleði Þorgeirs – Hrafnhildur Sverrisdóttir, Pakistan

Jólagleði Þorgeirs – Auður Sæmundsdóttir, Kanaríeyjum

Jólagleði Þorgeirs – Stefán Hrafn hreindýrabóndi, Grænlandi

Jólagleði Þorgeirs – Halla Margrét, Ítalíu

Vinsælast