Bylgjan og Geðhjálp hvetja til geðræktar og heilsueflingar í febrúar mánuði.
Fylgstu með gvítamíndagatali Geðhjálpar á www.gvitamin.is
Geðhjálp býður því upp á skammta af G-vítamíni á þorranum; ráðleggingar sem er ætlað að bæta geðheilsu. Dagatal með G-vítamínskömmtum er til sölu og í völdum dagatölum leynast geðræktandi vinningar.
Allur ágóði af sölu dagatalsins rennur í Styrktarsjóð geðheilbrigðis en tilgangur sjóðsins er að stuðla að framförum í geðheilbrigðismálum með því að veita styrki til verkefna sem geta bætt geðheilbrigði landsmanna og auka skilning á geðheilsu og geðrænum vanda.
Markmiðið dagatalsins er að efla geðheilsu landsmanna en um leið að fyrirbyggja bresti og verja okkur í mótbyr. Með daglegri inntöku G-vítamíns myndum við öflugra ónæmi, því þessi einföldu ráð eru verndandi þættir geðheilsu.
Hlúum að geðheilsunni á dimmustu tímum ársins með Geðhjálp og Bylgjunni
